100 كەلىدەن جوعارى سالماقتا اننامىرات مىرادوۆ التىن الدى. بۇعان قوسا، جەڭىمپاز "ۇلى كوشپەندىلەر كۇرەسىنە" قاتىسۋعا مۇمكىندىك الدى. بۇل تۋرنيردەگى ەڭ سىيلى سپورت تۇرلەرىنىڭ ءبىرى سانالادى. ەكىنشى جانە ءۇشىنشى ورىندارعا بەگەنچ ياگمىروۆ (68 كەلىگە دەيىن) مەن سيلاپبەردي نۋرىەۆ (82 كەلىگە دەيىن) كوتەرىلدى.

III دۇنيەجۇزىلىك كوشپەندىلەر ويىنىنىڭ اشىلۋ سالتاناتى 2 قىركۇيەكتە ىستىقكول وبلىسىنداعى باكتۋ-دولونوتۋ اۋىلىنىڭ يپپودرومىندا ءوتتى. قىرعىزستان ۇكىمەتىنىڭ 2012 جىلعى باستاماسىمەن وتكىزىلىپ كەلە جاتقان ءتۋرنيردىڭ ماقساتى - كوشپەلى وركەنيەتتى قايتا جاڭعىرتۋ.

ويىندارعا الەمنىڭ 66 ەلىنەن ءبىر جارىم مىڭنان استام سپورتشى قاتىسادى. بارلىعى 594 مەدال ساراپقا سالىنادى – 174 التىن، 173 كۇمىس جانە 247 قولا.

Abai.kz