جۇما, 21 ماۋسىم 2024
1105 0 پىكىر 17 مامىر, 2024 ساعات 18:17

رەسەي «بايقوڭىر» كەشەنىندەگى 200-دەن اسا نىساندى قايتارعالى وتىر

سۋرەت: el.kz

سەنات دەپۋتاتتارى جولداعان ساۋالعا جاۋاپ بەرگەن ۇكىمەت باسشىسى رەسەيدىڭ «بايقوڭىر» كەشەنىندەگى 234 نىساندى قازاقستانعا قايتاراتىنىن ايتتى. بۇل تۋرالى Abai.kz حابارلايدى.

بەكتەنوۆتىڭ ايتۋىنشا، «بايقوڭىر» عارىش ايلاعىنىڭ ۇشىرۋ الاڭدارىن جاڭعىرتۋ ماقساتىندا «زەنيت-م» عارىش زىمىران كەشەنىنىڭ وبەكتىلەرىن جاڭعىرتۋدى كوزدەيتىن «بايتەرەك» جوباسى ىسكە اسىرىلىپ جاتىر.

2022 جىلعى 2 جەلتوقسانداعى «بايقوڭىر» كەشەنى بويىنشا ۇكىمەتارالىق كوميسسيانىڭ 8-ءشى وتىرىسىنىڭ حاتتاماسىن ورىنداۋ شەڭبەرىندە رەسەي تاراپى جالعا الۋشىلار قۇرامىنان شىعارۋعا ۇسىنىلاتىن 234 وبەكتىنىڭ تىزبەسىن ۇسىندى. ولاردىڭ بازاسىندا 300-گە جۋىق جاڭا جۇمىس ورنىن قۇرا وتىرىپ، وندىرىستەردى ۇيىمداستىرۋ جوسپارلانىپ وتىر.

ءتۋريزمدى دامىتۋ ماقساتىندا 2023 جىلعى قىركۇيەكتە «بايقوڭىر» كەشەنى بويىنشا ۇكىمەتارالىق كوميسسيانىڭ 9-شى وتىرىسىندا بەرىلگەن تاپسىرمالاردى ىسكە اسىرۋ شەڭبەرىندە تاراپتار ونىڭ بازاسىندا عارىش تەحنيكاسىنىڭ ۇلگىلەرى مەن ماكەتتەرىن ورنالاستىرا وتىرىپ، مۋزەي كەشەنىن قۇرۋ ءۇشىن «گاگارينسكي ستارت» 1-ءشى جانە 2-ءشى الاڭىن ودان ءارى پايدالانۋ جونىندە ۇسىنىستار ازىرلەيدى. 

«زەنيت-م» عارىشتىق زىمىران كەشەنى نىساندارىنىڭ تۋريستىك تارتىمدىلىعىن جاقسارتۋ ءۇشىن تۋر باعدارلاماسى ازىرلەندى، زىمىران قوزعالتقىشتارى، «سويۋز-5» زىمىرانىنىڭ ماكەتى ورناتىلدى، كيىز ءۇي ورناتىلىپ، «ەتنواۋىل» ەكسپوزيتسياسى جانە ت.ب. جاسالدى.  

بۇدان باسقا، «بايقوڭىر» كەشەنىنىڭ «كرايني» اۋەايلاعىنىڭ اۋە كەڭىستىگىن پايدالانۋ جانە كەشەندە تۇراقتى اۋە قاتىناسىن قالىپتاستىرۋ ماقساتىندا قازاقستان مەن رەسەي ۇكىمەتتەرى اراسىندا مەملەكەتتىك ورگاندار مەن اككرەديتتەلگەن ۇيىمداردىڭ كەلىسىمىندە تۇرعان كەلىسىمنىڭ جوباسى ازىرلەندى، – دەدى ولجاس بەكتەنوۆ.

Abai.kz

0 پىكىر