جۇما, 21 ماۋسىم 2024
1034 2 پىكىر 17 مامىر, 2024 ساعات 17:55

انۋاربەك جەكسەنعاليەۆ 6 جىل 8 ايعا باس بوستاندىعىنان ايىرىلدى

سۋرەت: ktk.kz

مەملەكەتتىك بيۋدجەتتەن اقشا جىمقىرىپ، زاڭسىز ارەكەتتەر جاساعان انۋاربەك جەكسەنعاليەۆتەن 4,7 ملرد تەڭگە مۇلىك تاركىلەندى.

قارجىلىق مونيتورينگ اگەنتىگى ونىڭ ۇرلانعان قاراجاتتى زاڭدى اينالىمعا تارتقانقانى ءۇشىن مۇلكى تاركىلەنىپ، 6 جىلعا جانە 8 ايعا باس بوستاندىعىنان ايىرىلعاندىعىن مالىمدەدى.

جەكسەنعاليەۆ مەملەكەتتىك بيۋدجەتتىڭ 1,1 ملرد تەڭگەسىن جىمقىرىپ، ونى باقىلاۋىنداعى جالعان قۇرىلعان كاسىپورىنداردىڭ شوتتارىنا اۋدارۋ جولىمەن زاڭداستىرعانى انىقتالدى.

سونىمەن قاتار، ول قاراجاتتى الىپ، شەتەل ۆاليۋتاسىنا ايىرباستاۋ بويىنشا قارجىلىق وپەراتسيالاردى جۇزەگە اسىرعان. ول سونداي-اق ۇرلانعان قاراجاتتى جىلىستاتۋ ءۇشىن جىلجىمايتىن مۇلىكپەن جالعان مامىلەلەر جاساعان.

قىلمىستىق كىرىستەردى زاڭداستىرۋ جانە جىلىستاتۋ ارەكەتتەرى 2019-2022 جىلدار ارالىعىندا ىسكە اسىرىلدى. ول جەر تەلىمدەرىن ساتىپ الىپ، قۇرىلىس كومپانيالارىنا وتكىزىپ، پايدالانۋعا بەرىلگەن ۇيلەردەن سىياقى رەتىندە پاتەرلەردى الىپ وتىرعان.

جەكسەنعاليەۆتەن مەملەكەت كىرىسىنە تاركىلەنگەن مۇلىكتىڭ سوماسى 4,7 ملرد تەڭگەنى قۇرايدى.

Abai.kz

 

2 پىكىر