پەتروپاۆل. 6 قاراشا. قازتاگ – سولتۇستىك قازاقستان وبلىسىندا (سقو)  اگراريلەرتوپىراقتاعى ىلعالدىڭ تومەندىگىنە الاڭداۋشىلىق بىلدىرۋدە. بۇل تۋرالى جۇما كۇنى وتكەن وبلىستىق اگرارلىق كەڭەس وتىرىسىندا اڭگىمە بولدى.

اگرارلىق كەڭەستىڭ توراعا ورىنباسارى، «سولتۇستىك قازاقستان تاجىريبەلىك ستانتسيا» جشس ديرەكتورى بەلگىباي قانافين ايتقانداي، وتكەن اۋىل شارۋاشىلىق جىلى ايماقتاعى سوڭعى 40 جىلداعى ەڭ قۇرعاق جىل بولدى.

«ۆەگەتاتسيالىق كەزەڭدە – مامىر مەن تامىزدا كوپجىلدىق نورمانىڭ بارلىعى 25-30% مولشەرىندە عانا ىلعال جاۋدى، - دەدى ب. قانافين. – وسىنداي جاعدايدا، توپىراقتاعى ىلعالدىڭ تومەندىگىنەن، الداعى اۋىل شارۋاشىلىق جىلىنىڭ باستالۋى جەڭىل بولايىن دەپ وتىرعان جوق».

«سولتۇستىك قازاقستان گيدرومەتەورولوگيا ورتالىعى» ەمك ديرەكتورى نۇركەن سۇلتانوۆ حابارلاعانداي، ەگىستىكتەگى قازان ايىندا جۇرگىزىلگەن زەرتتەۋلەرگە ساي، توپىراقتىڭ 10 سم تەرەڭدىگىنە دەيىن ىلعال مۇلدەم جوق، ال مەترلىك تەرەڭدىكتە ونىڭ مولشەرى 40 مم. (نورمانىڭ - 48%). ال 2009-شى جىلى بۇل كورسەتكىش 98 مم. بولعان.

وسىنداي جاعدايدا، دەپ اتاپ ءوتىلدى كەڭەستە، قىسقى كەزەڭدە قار توقتاتۋ جۇمىستارىن ساپالى جۇرگىزۋىمىز كەرەك.

ن.سۇلتانوۆ ايتقانداي، قىس قارلى، سونىمەن قاتار جەلدى بولادى دەپ كۇتىلۋدە، سوندىقتان اگراريلەردىڭ نەگىزگى مىندەتى - قاردى ەگىستىكتەردە ساقتاپ قالۋ.

پەتروپاۆل. 6 قاراشا. قازتاگ – سولتۇستىك قازاقستان وبلىسىندا (سقو)  اگراريلەرتوپىراقتاعى ىلعالدىڭ تومەندىگىنە الاڭداۋشىلىق بىلدىرۋدە. بۇل تۋرالى جۇما كۇنى وتكەن وبلىستىق اگرارلىق كەڭەس وتىرىسىندا اڭگىمە بولدى.

اگرارلىق كەڭەستىڭ توراعا ورىنباسارى، «سولتۇستىك قازاقستان تاجىريبەلىك ستانتسيا» جشس ديرەكتورى بەلگىباي قانافين ايتقانداي، وتكەن اۋىل شارۋاشىلىق جىلى ايماقتاعى سوڭعى 40 جىلداعى ەڭ قۇرعاق جىل بولدى.

«ۆەگەتاتسيالىق كەزەڭدە – مامىر مەن تامىزدا كوپجىلدىق نورمانىڭ بارلىعى 25-30% مولشەرىندە عانا ىلعال جاۋدى، - دەدى ب. قانافين. – وسىنداي جاعدايدا، توپىراقتاعى ىلعالدىڭ تومەندىگىنەن، الداعى اۋىل شارۋاشىلىق جىلىنىڭ باستالۋى جەڭىل بولايىن دەپ وتىرعان جوق».

«سولتۇستىك قازاقستان گيدرومەتەورولوگيا ورتالىعى» ەمك ديرەكتورى نۇركەن سۇلتانوۆ حابارلاعانداي، ەگىستىكتەگى قازان ايىندا جۇرگىزىلگەن زەرتتەۋلەرگە ساي، توپىراقتىڭ 10 سم تەرەڭدىگىنە دەيىن ىلعال مۇلدەم جوق، ال مەترلىك تەرەڭدىكتە ونىڭ مولشەرى 40 مم. (نورمانىڭ - 48%). ال 2009-شى جىلى بۇل كورسەتكىش 98 مم. بولعان.

وسىنداي جاعدايدا، دەپ اتاپ ءوتىلدى كەڭەستە، قىسقى كەزەڭدە قار توقتاتۋ جۇمىستارىن ساپالى جۇرگىزۋىمىز كەرەك.

ن.سۇلتانوۆ ايتقانداي، قىس قارلى، سونىمەن قاتار جەلدى بولادى دەپ كۇتىلۋدە، سوندىقتان اگراريلەردىڭ نەگىزگى مىندەتى - قاردى ەگىستىكتەردە ساقتاپ قالۋ.

«قارعا بايلانىستى ءبىراز جۇمىس اتقارۋ كەرەك بولىپ تۇر، - دەدى ب. قانافين. – اڭىز جاۋعان قاردىڭ جارتىسىنا جۋىعىن ۇستاپ قالا الادى، بىراق بيىل استىقتى جيناۋ كەزىندە ەگىستىك مەيلىنشە تىقىر ورىلدى».

«سولتۇستىك قازاقستان تاجىريبەلىك ستانتسيا» جشس سورتتىق اگروتەحنيكا زەرتحاناسىنىڭ مەڭگەرۋشىسى ولگا گااس اگراريلەردى قىستا جينالاتىن ىلعالدى ءتيىمدى پايدالانىپ جانە ۇنەمدەۋ كەرەكتىگىنە شاقىردى.

«ەگىندى سەبۋدى 25-ءشى مامىرعا دەيىن اياقتاۋ كەرەك – وسى ارالىقتا ىلعالدى پايدالانۋ ەڭ ءتيىمدى»، - دەدى ول.

اگروكەڭەس وتىرىسىنىڭ قورىتىندىسىندا سقو اكىم ورىنباسارى ايداربەك ساپاروۆ سقو اۋىل شارۋاشىلىق باسقارماسىنا، اۋدان اكىمدەرىنە تەحنيكانى قىسقى اگروشارالارعا دايىنداپ جانە بارلىق اگروقۇرىلىمداردا قار توقتاتۋ جۇمىستارىن جۇرگىزۋدى تاپسىردى.

ودان باسقا، قار توقتاتۋ جۇمىستارىنىڭ قاجەتتىگى تۋرالى، قار توقتاتۋ ەسەبىنەن قول جەتكىزىلگەن قىسقى اگروشارالاردىڭ ەكونوميكالىق ناتيجەسىن كورسەتە وتىرىپ، باق ارقىلى ءتۇسىندىرۋ جۇمىستارىن جۇرگىزۋ ۇسىنىلدى.