«سولتۇستىك-شىعىس» مولتەكاۋدانىنداعى 4000 ءۇيدىڭ بارلىعى دا تابيعي گازبەن قامتىلادى، دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

شىمكەنت قالاسىنىڭ باس جوسپارىنا ساي قالا اۋماعى كەڭەيىپ كەلەدى. وسىعان وراي شاھارداعى كوممۋنالدىق ماسەلە دە كوبەيە تۇسۋدە. اكىمشىلىك تاراپىنان بۇل ولقىلىقتاردىڭ ورىنىن تولتىرۋ ءۇشىن ىستەلىنىپ جاتقان تىرلىكتەر دە از ەمەس. 
بۇگىندە «سولتۇستىك-باتىس» شاعىن اۋدانىنىڭ 4 مىڭعا جۋىق تۇرعىن ءۇي الابىنا گاز قۇبىرلارىن تارتۋ جۇمىستارى اياقتالىپ كەلەدى. جۋىق ارادا اباي اۋدان اكىمدىگىنىڭ جاۋاپتى ماماندارى سولتۇستىك-باتىس شاعىن اۋدانىنىڭ تۇرعىندارىن قىس كوزى قىراۋدان قىسىلماي شىعارۋعا ۋادە ەتتى.  ايتا كەتەرلىگى، وسىدان ءۇش جىل بۇرىن اۋماققا كوگىلدىر وتىن جۇرگىزۋ ءىسى قولعا الىنعان بولاتىن. بىراق، مەردىگەرلەردىڭ نەمقۇرايدىلىعى سالدارىنان جۇمىس شاتقاياقتاپ كەتكەن. 
ءابدىراحىموۆ عابيدوللا راحماتوللاۇلى قالا اكىمى بولىپ تاعايىندالعان كۇننەن بستاپ، شىمكەنت قالاسىنىڭ كوگىلدىر وتىنمەن قامتىلماعان اۋداندارىنا گاز قۇبىرلارىن تارتۋ تۋرالى تاپسىرما بەرگەن بولاتىن. ءارى مۇنى ءوز قاداعالاۋىنا الاتىندىعىن قاتاڭ ەسكەرتكەن ەدى. شاھار باسشىسىنىڭ نازارىنداعى بۇل تۇيىتكىلدى ماسەلە جۋىق ارادا وڭ شەشىمىن تاۋىپ، اتالعان اۋدان كوشەلەرىندەگى تۇرعىن ۇيلەر كوگىلدىر وتىنمەن تولىق قامتاماسىز ەتىلمەك. 
گاز قۇبىرلارىن تارتۋ تۋرالى  كونكۋرستا «الاش وڭتۇستىك»  كومپانياسى 601 ملن تەڭگە كولەمىندەگى قارجىنى ۇتىپ العان.  الايدا، ءوز جۇمىستارىن دۇرىس جولعا قويا بىلمەگەن. سالدارىنان وسى شاعىن اۋدان تۇرعىندارى جىلۋسىز قالىپ قويعان.  جوسپار بويىنشا بۇل شاعىن اۋدانعا كوگىلدىر وتىن 2013 جىلى جەلتوقساندا بەرىلۋى ءتيىس ەدى. 2600-گە جۋىق تۇتىنۋشىعا گاز بەرۋگە مىندەتتەلگەندەر قۇبىر تارتۋدى اياقتاپ، قالالىق تۇرعىن ءۇي، كوممۋنالدىق شارۋاشىلىق بولىمىنە تاپسىرعان. 
ال ول ماماندار بالانسىنا العان جۇيەنى قاراۋسىز قالدىرىپتى. جىلۋسىز وتىرعان تۇرعىندار جۇيەدەگى اقاۋلاردى انىقتاۋعا مەردىگەرلەرگە تالاپ قويا باستاعان. ناتيجەسىندە، جۇمىستارىن شيراتا تۇسكەن. جەرگىلىكتى تۇرعىنداردىڭ ايتۋىنشا، وسى بىرنەشە كۇن ىشىندە  سىعىمداۋ جۇمىستارى قولعا الىنىپتى. 

قۇرمەتتى قالا تۇرعىندارى! تۇرعىن ۇيلەردى جىلۋعا قوسۋ تۋرالى سۇراقتارىڭىز بولسا مىنا مەكەن-جايعا حابارلاسۋلارىڭىزعا بولادى:
اباي اۋدانى - 21-46-94
ەڭبەكشى اۋدانى - 51-79-33
ءال-فارابي اۋدانى - 54-58-46
قاراتاۋ اۋدانى - 42-10-21  

 Abai.kz