الماتىدا مەملەكەت جانە قوعام قايراتكەرى بولاتحان تايجاننىڭ قۇرمەتىنە مەموريالدىق تاقتا اشىلدى. بۇل تۋرالى قازاقپارات مالىمدەدى. 

تاقتانىڭ اشىلۋ سالتاناتىنا قالا اكىمىنىڭ ورىنباسارى ەرجان باباقۇماروۆ، بولاتحان تايجاننىڭ جۇبايى مەن ۇلى، پروفەسسور م. سۇلەيمەنوۆ، ديپلومات ح. وماروۆ، قازۇتۋ پرورەكتورى ۋ. سىدىقوۆ جانە قر ءسىم وكىلدىگىنىڭ باسشىسى ە. ىسقاقوۆ قاتىستى.

اكىمنىڭ ورىنباسارى ە. باباقۇماروۆ ءوز سوزىندە قوعام قايراتكەرى بولاتحان قۇلجانۇلىنىڭ قوعامىمىزدىڭ ساياسي ماسەلەلەرىن قالىپتاستىرۋ مەن شەشۋدەگى ماڭىزدى ءرولىن جانە ونىڭ ەڭبەگىن مەملەكەتتىڭ جوعارى باعالاۋىن اتاپ ءوتتى.

الماتىدا بولاتحان تايجان اتىنداعى كوشە بار. ەندىگى ونىڭ ەسىمىن ماڭگى ەستە قالدىرۋ ماقساتىندا مەموريالدىق تاقتا اشىلدى. ب.تايجان كوپ جىلدار بويى توتەنشە جانە وكىلەتتى ەلشى بولىپ ىستەگەن، كەيىن الماتىدا تۇردى.

«مەن بۇل ادام ءوز حالقىنا ادال ادام بولعانىن ايتقىم كەلەدى. ول كادرلىق ديپلومات بولدى، سول كەزدە دە، قازىر دە مۇنداي ديپلوماتتار از. ءوز ءىسىن جاقسى بىلەتىن جانە قازاقستان ءۇشىن كوپ ءىس جاساعان ادام ەدى. ويتكەنى ەڭ قيىن كەزەڭ – ەل تاۋەلسىزدىگىنىڭ العاشقى جىلدارى بولاتىن. العاش رەت بايلانىس ورناتىپ، جول سالۋ كەرەك بولدى جانە بولاتحان قاي جەردە بولسا دا بۇل جۇمىستى وتە جاقسى ورىندادى. مىسالى، يەمەننىڭ كونسۋلى بولسا دا ازامات سوعىسى كەزىندە وق استىندا، ءوز ءومىرىن قاتەرگە تىگىپ، كەڭەس ازاماتتارىن پاروحودقا اپارىپ، ەلىنە جىبەرگەن.

مىسىرداعى ەلشى بولعان كەزدە قازاقستاندى الەم مويىنداۋ ءۇشىن كوپ كۇش جۇمسادى، سونداي-اق ەگيپەتتە اباي اتىنداعى كوشەنىڭ اشىلۋىنا قول جەتكىزدى. ال ەڭ ۇلكەن جەتىستىگى – ونىڭ كومەگىمەن قازاقستان يسلام كونفەرەنتسياسى ۇيىمىنا كىرگەنى، بۇل وراسان زور ەڭبەك. ول ماعان كونفەرەنتسيا جابىلعان سوڭعى ساتتە قازاقستاندى وسى قۋاتتى، تانىمال ۇيىمنىڭ مۇشەسى دەپ جاريالاعانى تۋرالى كوپ ايتقان ەدى», - دەدى پروفەسسور م.سۇلەيمەنوۆ.

Abai.kz