قىزىلوردالىق كاسىپكەر تۇيە سۇتىنەن بالمۇزداق ءوندىرۋدى قولعا العان. بۇگىندە دەسەرتتىڭ بۇل تۇرىنە سۇرانىس جوعارى، - دەپ حابارلايدى اباي-اقپارات.

شيەلى اۋدانىنىڭ كاسىپكەرى سابىر ەرماحانوۆ تۇيە سۇتىنەن بالمۇزداق جاساۋدى وڭىردە ەڭ ءبىرىنشى بوپ باستاعان. وسىدان ءبىرشاما ۋاقىت بۇرىن اشىلعان بۇل ءوندىرىس ورنى اۋەلدە تاۋلىگىنە 400 ليتر شۇبات شىعارسا، وسى جىلى مەملەكەتتىك باعدارلاما اياسىندا تسەحتى جاڭا تەحنولوگيالارمەن جابدىقتاعان. سونىڭ ارقاسىندا كۇنىنە وندىرىلەتىن ءونىم كولەمى 2 تونناعا جەتكىزگەن. تسەحتا بالمۇزداقپەن قاتار، سيىر جانە تۇيە سۇتىنەن قۇرت، سۇزبە، ىرىمشىك، ايران، شۇبات، يوگۋرت سەكىلدى 8 ءتۇرلى ءسۇت ءونىمى ازىرلەيدى.

– 2016 جىلى بىزدە اۋىل شارۋاشىلىعى كووپەراتيۆى ۇيىمداستىرىلىپ، باستاپقى كەزدە 10 مۇشە بولدى، قازىرگى كزدە 35 مۇشەمىز بار. 80 ادام جۇمىس ىستەپ جاتىر، 750 تۇيە باعىپ جاتىرمىز، 485 سيىر، 150 جىلقى بار. تازا ءونىم بولعاندىقتان سۇرانىس كوبەيىپ جاتىر، سوندىقتان دا ءبىز مالدىڭ سانىن كوبەيتىپ، ءونىمدى دە ۇلعايتىپ جاتىرمىز جىلدان جىلعا. جاڭا ءسۇت ونىمدەرىنىڭ قاتارىندا تۇيە سۇتىنەن جاسالاتىن بالمۇزداق تا بار. تاۋلىگىنە 7 ءتۇرلى بالمۇزداقتىڭ مىڭ داناسى جاسالادى، - دەيدى كاسىپكەر سابىر ەرماحانوۆ.

تسەحتىڭ تەحنولوگى، جاس مامان بايان دۇيسەنبەكوۆ:

– 6 پروتسەنتتىك بالالارعا ارنالعان بالمۇزداق شىعاردىق. ونىڭ پايداسى وتە زور. بۇل تەك سالقىنداتىپ قانا قويمايدى، ول وتە تويىمدى ياعني ءبىر جەگەن ادامعا تويىمدىلىق قاسيەت بەرەدى. وعان قازىرگى تاڭدا سۇرانىس ۇلعايىپ جاتىر،- دەدى.

سابىر ەرماحانوۆ وبلىستىق كاسىپكەرلىك پالاتاسىنا بالمۇزداق ءوندىرىسىنىڭ قۋاتتىلىعىن ارتتىرۋ بويىنشا بيزنەس-جوسپار ۇسىنىپتى. بولاشاقتا اتالعان جوبا ماقۇلدانسا، ايماقتىڭ بارلىق اۋدانىنى ءۇشىن بالمۇزداقتىڭ جاڭا ءتۇرى قولجەتىمدى بولاماق.

Abai.kz