2018 جىلى قازان ايىندا قازاقستان حالقىنا ارناعان جولداۋىندا ەلباسى نۇرسۇلتان نازارباەۆ 2019 جىلدى "جاستار جىلى" دەپ جاريالادى. «كەلەسى جىلدى جاستار جىلى دەپ جاريالاپ، ءىس-شارالار وتكىزۋ كەرەك، وعان ءبىزدىڭ تاجىريبەمىز بار. جاستارىمىزدى، قازاقستاننىڭ بولاشاعىن ءار سالادا قولداۋىمىز كەرەك» دەگەن ەدى سول كەزدە نازارباەۆ.

ەلباسىنىڭ وسى باستاماسى ەلىمىزدە قولداۋ تاۋىپ، ەلدىڭ ەرتەڭى سانالاتىن جاستاردىڭ جاعدايىن جاساۋ ءىسى شىنداپ قولعا الىنا باستاعان. وسىنىڭ ايقىن دالەلىندەي، بيىل جىل باسىندا نۇرسۇلتان نازارباەۆ ءوزى ءار سالادا تابىسقا جەتكەن ۇزدىك جاستاردى قابىلداپ قولداۋ ءبىلدىردى. ءارى 2019 جىل ەلىمىزدەگى ءار جاستىڭ جولىن اشۋ جىلى بولاتىنىن ايتقان ەدى.

بۇعان قوسا، ءار كەزدە جاستاردىڭ بولاشاعىن باستى نازاردا ۇستايتىن ەلباسىنىڭ «بەس الەۋمەتتىك باستاماسىندا» دا بىرقاتار ناقتى ۇسىنىستار ايتىلعان. سولاردىڭ قاتارىندا جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ قاتارلى ماڭىزدى شەشىمدەر بولعان.

ءبارىمىز بىلەتىندەي، 27 اقپان استانا قالاسىندا «نۇر وتان» پارتياسىنىڭ كەزەكتى XVIII سەزى ءوتتى. بۇل سەزد پارتيانىڭ 20 جىلدىعىنا وراي ۇيىمداستىرىلدى. سەزدە ەلباسىنىڭ باستاماسىمەن بىرقاتار ماڭىزدى ماسەلەلەرگە بايلانىستى شەشىم قابىلداندى.

ەلدەگى باس پارتيانىڭ باستى جينالىسىندا ەلباسى، پارتيا توراعاسى نۇرسۇلتان نازارباەۆ بىرقاتار ناقتى تاپسىرمالار بەردى. اسىرەسە ەل حالقىنىڭ ەڭسەسىن كوتەرىپ، تۇرمىستىق ورەسىن كوتەرۋ ماقساتىندا العا قويعان ۇسىنىستارى كوپ كوڭىلىنەن شىقتى. سونىمەن قاتار جاستاردىڭ جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋدى ايتقان بولاتىن.

بۇل جاڭالىق ەلىمىزدىڭ بارلىق جاستارىن قاناتتاندىرىپ، قۋانتقانى ءسوزسىز. بۇل جىل قازاقستان جاستارىنىڭ تاريحي ءساتى بولماق. دەگەنمەن جاستار اراسىندا پروبلەمالار دا جوق ەمەس. وسى ماسەلەلەردى كەڭىنەن قاراۋعا، شەشۋگە ىقپال جاساۋ ماقساتىندا «نۇر وتان» پارتياسىنىڭ جانىنان ءتۇرلى باعىتتا كوميسسيالار قۇرىلىپ، جۇيەلى جۇمىستار اتقىرىلۋدا. سونىڭ ءبىرى «جاستاردى قولداۋ» باعىتىنداعى  كوميسسيا. اتالمىش كوميسسيا وكىلدەرى باس قوسىپ، وڭىرلەردە مەملەكەتتىك جاستار ساياساتىنىڭ جۇزەگە اسىرىلۋ بارىسىن، سونداي- اق، ايماق جاستارىنىڭ جۇمىسپەن قامتىلۋى ماسەلەلەرىن تالقىلادى.

«جاستاردى قولداۋ» باعىتىنداعى  كوميسسيانىڭ قىزىلوردا وبلىسىندا وتكەن باس قوسۋىندا وبلىستىق جاستار ساياساتى ماسەلەلەرى باسقارماسىنىڭ باسشىسى قۋانىش جانۇزاقوۆ «قازاقستان 2020: بولاشاققا جول» مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىن ىسكە اسىرۋ جونىندەگى ءىس-شارالار جونىندە ايتىپ بەردى.

باسقارما باسشىسىنىڭ ايتۋىنشا، وتكەن جىلى «جاسىل ەل» ەڭبەك جاساقتارىنا جاستاردى كوركەيتۋ، كوگالداندىرۋ جانە اباتتاندىرۋ جۇمىستارىنا تارتۋدى ۇيىمداستىرۋ» جوباسىنا 70 837,0 مىڭ تەڭگە بولىنگەن. جوبا اياسىندا ءار ءتۇرلى باعىتتا 25 شارا ۇيىمداستىرىلىپ، قالا جانە بارلىق اۋداندار بويىنشا 16-29 جاس ارالىعىنداعى 1035 جاس جۇمىسپەن قامتىلعان. ولاردىڭ 130 جۇمىسسىز، 107 وقۋشى، 798 ستۋدەنت جاستار. سونداي-اق، «جاستار ەڭبەك جاساعىنىڭ قىزمەتىن دامىتۋ، الەۋمەتتىك قىزمەتتى ۇيىمداستىرۋ» جوباسى اياسىندا 326 جاس ماۋسىمدىق جۇمىستار جاساپ، ولاردىڭ 46-سى تۇراقتى جۇمىسپەن قامتىلعان.شىعارماشىل جاستاردى قولداۋ ماقساتىندا «جاستار fest- Qyzylorda» شىعارماشىل جاستاردى دامىتۋ ورتالىعى قىزمەتىن ۇيىمداستىرۋ جوباسى دا قولعا الىنعان. ورتالىق قىزمەتىندە "يا - گيتاريست", "Parkour" "Online" الەۋمەتتىك جەلى ساۋاتتىلىعى"  ۇيىرمەلەرى سەنبى-جەكسەنبى كۇندەرى جاستار ءۇشىن قىزمەت ەتەدى.

ايماق جاستارىنىڭ جۇمىسپەن قامتىلۋى ماسەلەلەرى جونىندە ءسوز سويلەگەن وبلىستىق جۇمىسپەن قامىتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى گاۋھار قالماقوۆا جاستاردى جۇمىسپەن قامتۋ ماقساتىندا ماڭىزدى جۇمىستار اتقارىلىپ جاتقانىن ايتتى.

گاۋھار  قالماقوۆانىڭ ايتۋىنشا، جاستاردىڭ كاسىپكەرلىكپەن اينالىسۋىنا  مۇمكىندىك جاساپ، جاڭا بيزنەس يدەيالاردى دامىتۋ ءۇشىن قر ەڭبەكتى جانە حالىقتى الەۋمەتتىك قورعاۋ مينيسترلىگى تاراپىنان بولىنەتىن گرانتتار از ەمەس كورىنەدى.

"بۇل  گرانتتاردى جاستار جۇمىسپەن قامتۋ ورتالىقتارى ارقىلى «باستاۋ -بيزنەس» كاسىپكەرلىك نەگىزدەرى وقىتۋ كۋرستارىنان ءوتىپ، بيزنەس جوسپارلارىن قورعاپ، جەكە كاسىپكەر رەتىندە سالىق ورگاندارىنا تىركەلىپ، كوميسسيادان وتكەن سوڭ گرانت الۋعا مۇمىكىندىك الادى. گرانت كولەمى 505 مىڭ تەڭگە. بيىل 300-گە جۋىق جاستارعا گرانت بەرۋدى جوسپارلاپ وتىرمىز",- دەدى ول.

ءسوز سوڭىند ايتارىمىز، «نۇر وتان» پارتياسىنىڭ باستاماسىمەن قولعا الىنىپ جاتقان وسىنداي ىزگى شارالار از ەمەس. سونىڭ قاي-قايسىسى بولسا دا ەلباسىنىڭ باستاماسىنا شىنايى ءۇن قوسىپ، ەلدەگى جاستاردىڭ الەۋەتىن ارتتىرىپ، ءبىلىمدى، بىلىكتى بولىپ جەتىلۋىنە، قاجەتىنشە ءبىلىم الۋىنا جانە قالاۋىنشا كاسىپكەرلىكپەن اينالىسۋىنا مۇمكىندىك بەرىپ وتىر.

Abai.kz