جۇما, 14 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1488 0 پىكىر 25 شىلدە, 2018 ساعات 10:36

الماتىنىڭ بيىلعى جىلعى بيۋدجەتى 526,7 ميلليارد تەڭگە

الماتىدا VI-ءشى شاقىرىلىمداعى قالالىق ءماسليحاتتىڭ كەزەكتەن تىس وتكەن سەسسياسىندا بيىلعى جىلعى قالا بيۋدجەتى ناقتىلانعان ەدى. مەملەكەتتىك ساتىپ الۋدى ۇنەمدەۋ ەسەبىنەن جۇرگىزۋ جانە جوبالاردى 9,3 ملرد. تەڭگەگە وڭتايلاندىرۋ ارقاسىندا ىشكى رەزەرۆتەردى قايتا ءبولۋ بارىسىندا ناقتىلاندىرۋ شاراسى جۇزەگە استى.

بيىلعى جىلدىڭ ءبىرىنشى جارتى جىلدىعىندا الماتى ەكونوميكاسىنىڭ بارلىق سالالارىندا 103,8% وسىمگە قول جەتتى. مىسالى، بولشەك ساۋدا 8,3%-عا، ونەركاسىپ 4,4%-عا، قۇرىلىس 4,7%-عا ۇلعايدى، بەس ايدىڭ ىشىندە شەتەلدىك ينۆەستيتسيا 25,1%-دى قۇرادى. مەملەكەتتىك بيۋدجەتكە سالىق ءتۇسىمىنىڭ 110,3%-عا ءوسۋى قامتاماسىز ەتىلدى.

بيۋدجەتتى ناقتىلاۋ بارىسىنداۇنەمدەلگەن قارجى ەسەبىنەن الەۋمەتتىك ماسەلەلەردى، سونىڭ ىشىندە سىرتقى جارىق كوزدەرىن، تروتۋارلاردى جوندەۋگە،جاڭا ىقشام اۋدانداردا جول سالۋعا، قاۋىپسىزدىكتى ارتتىرۋعا جانە مۇمكىندىگى شەكتەۋلى جانداردعا قولداۋ كورسەتۋگە جۇمسالاتىن شىعىن كوزدەرى انىقتالدى.

مىسالى، قالانىڭ بىرقاتار اۋداندارىندا سىرتقى جارىق كوزدەرىنە اعىمداعى جوندەۋ جۇمىستارى جۇرگىزىلەدى، الاتاۋ اۋدانىنداعى اقبۇلاق، العاباس، قاراسۋ، كوك-كاينار، ۇلجان-2 ىقشام اۋداندارىندا جول جوندەۋ باستالدى. تۇركسىب اۋدانىنداعى جاس قانات ەلدى مەكەنىندە جول جوندەۋ جالعاسۋدا.

مۇمكىندىگى شەكتەۋلى جاندارعا قولداۋ كورسەتۋ ماقساتىندا 675 ادامعا تيفلوتەحنيكالىق، 871 ادامعا سۋردوتەحنيكالىق جابدىقتار ساتىپ الىنادى.

«ەڭبەككە قامتۋ جانە بۇقارالىق كاسىپكەرلىكتى قولداۋ» اياسىندا مىڭداعان جۇمىسسىزدار 50 ماماندىق بويىنشا كاسىبي دايىندىقتان جانە قايتا دايىندىقتان وتەدى.

بۇلاردان وزگە، جالپى ءبىلىم بەرەتىن مەكتەپتەردى وقۋلىقتارمەن قامتۋ ءۇشىن قوسىمشا 193,5 ملن. تەڭگە قاراستىرىلدى. قاۋىپسىزدىكتى ارتتىرۋ ماقساتىندا جەتى مەكتەپ نىساندارىن سەيسميكالىق مىقتىلاۋ جۇمىستارى جۇرگىزىلەدى.

ەسكە سالساق، «الماتى-2020» دامۋ باعدارلاماسىنا جانە قالالىقتاردىڭ الەۋمەتتىك ماسەلەلەرىن شەشۋگە نەگىزدەلگەن الماتى بيۋدجەتى بيىلعى جىلى 526,7 ميلليارد تەڭگەنى قۇرايدى.

Abai.kz

0 پىكىر