Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
1481 0 pikir 25 Şilde, 2018 sağat 10:36

Almatınıñ biılğı jılğı byudjeti 526,7 milliard teñge

Almatıda VI-şi şaqırılımdağı qalalıq mäslihattıñ kezekten tıs ötken sessiyasında biılğı jılğı qala byudjeti naqtılanğan edi. Memlekettik satıp aludı ünemdeu esebinen jürgizu jäne jobalardı 9,3 mlrd. teñgege oñtaylandıru arqasında işki rezervterdi qayta bölu barısında naqtılandıru şarası jüzege astı.

Biılğı jıldıñ birinşi jartı jıldığında Almatı ekonomikasınıñ barlıq salalarında 103,8% ösimge qol jetti. Mısalı, bölşek sauda 8,3%-ğa, önerkäsip 4,4%-ğa, qwrılıs 4,7%-ğa wlğaydı, bes aydıñ işinde şeteldik investiciya 25,1%-dı qwradı. Memlekettik byudjetke salıq tüsiminiñ 110,3%-ğa ösui qamtamasız etildi.

Byudjetti naqtılau barısındaünemdelgen qarjı esebinen äleumettik mäselelerdi, sonıñ işinde sırtqı jarıq közderin, trotuarlardı jöndeuge,jaña ıqşam audandarda jol saluğa, qauipsizdikti arttıruğa jäne mümkindigi şekteuli jandardğa qoldau körsetuge jwmsalatın şığın közderi anıqtaldı.

Mısalı, qalanıñ birqatar audandarında sırtqı jarıq közderine ağımdağı jöndeu jwmıstarı jürgiziledi, Alatau audanındağı Aqbwlaq, Alğabas, Qarasu, Kök-Kaynar, Wljan-2 ıqşam audandarında jol jöndeu bastaldı. Türksib audanındağı Jas qanat eldi mekeninde jol jöndeu jalğasuda.

Mümkindigi şekteuli jandarğa qoldau körsetu maqsatında 675 adamğa tiflotehnikalıq, 871 adamğa surdotehnikalıq jabdıqtar satıp alınadı.

«Eñbekke qamtu jäne bwqaralıq käsipkerlikti qoldau» ayasında mıñdağan jwmıssızdar 50 mamandıq boyınşa käsibi dayındıqtan jäne qayta dayındıqtan ötedi.

Bwlardan özge, jalpı bilim beretin mektepterdi oqulıqtarmen qamtu üşin qosımşa 193,5 mln. teñge qarastırıldı. Qauipsizdikti arttıru maqsatında jeti mektep nısandarın seysmikalıq mıqtılau jwmıstarı jürgiziledi.

Eske salsaq, «Almatı-2020» damu bağdarlamasına jäne qalalıqtardıñ äleumettik mäselelerin şeşuge negizdelgen Almatı byudjeti biılğı jılı 526,7 milliard teñgeni qwraydı.

Abai.kz

0 pikir