سارسەنبى, 5 قازان 2022
جاڭالىقتار 2870 0 پىكىر 26 جەلتوقسان, 2010 ساعات 06:02

بەكبولات تىلەۋحان، دەپۋتات. قازاقستاننىڭ قادىرلى تۋىنان دوربا تىگىپ، قوقىس تاسىپ ءجۇر

سارسەنبى كۇنگى پارلامەنت ماجىلىسىندە  دەپۋتات بەكبولات تىلەۋحان ۇكىمەت باسشىسى مەن ءبىلىم جانە عىلىم مينيسترىنە قوس ساۋالناما جولدادى. تاقىرىپ - توزا قالسا قوقىس دورباسىنا اينالعان كوكبايراعىمىز جانە ء«دارۆينيزمنىڭ» توزىعى جەتكەن ىلىمىنە توقتاۋ سالۋ بولدى.

«وسىلاي كەتە بەرسە ەرتەڭ تۋىڭ

كىم كەپىل «ەدەن جۋعىش بولماسىنا؟!»

«قۇرمەتتى كارىم قاجىمقانۇلى! تۋ - كەز كەلگەن مەملەكەتتىڭ ايبىنى، ەلدىگىنىڭ بەلگىسى، تاۋەلسىزدىگىنىڭ بەينەسى بولعان ءرامىز. «تۋ قۇلاۋ»، «بايراعى جىعىلۋ» دەگەن ۇعىم - ەل ءۇشىن اسا اۋىر ەسەپتەلەتىن قۇبىلىس. ەكى ەل سوعىسقان كەزدە جەڭىستىڭ بەلگىسى - جاۋدىڭ تۋىن جىعىپ، ءوز تۋىن تىگۋ. ءوزى قانسىراپ ءولىپ بارا جاتسا دا، تۋىن جىقپاي تىستەنىپ ولگەن تاريحتا قانشاما ەرلەر بولعان.

سارسەنبى كۇنگى پارلامەنت ماجىلىسىندە  دەپۋتات بەكبولات تىلەۋحان ۇكىمەت باسشىسى مەن ءبىلىم جانە عىلىم مينيسترىنە قوس ساۋالناما جولدادى. تاقىرىپ - توزا قالسا قوقىس دورباسىنا اينالعان كوكبايراعىمىز جانە ء«دارۆينيزمنىڭ» توزىعى جەتكەن ىلىمىنە توقتاۋ سالۋ بولدى.

«وسىلاي كەتە بەرسە ەرتەڭ تۋىڭ

كىم كەپىل «ەدەن جۋعىش بولماسىنا؟!»

«قۇرمەتتى كارىم قاجىمقانۇلى! تۋ - كەز كەلگەن مەملەكەتتىڭ ايبىنى، ەلدىگىنىڭ بەلگىسى، تاۋەلسىزدىگىنىڭ بەينەسى بولعان ءرامىز. «تۋ قۇلاۋ»، «بايراعى جىعىلۋ» دەگەن ۇعىم - ەل ءۇشىن اسا اۋىر ەسەپتەلەتىن قۇبىلىس. ەكى ەل سوعىسقان كەزدە جەڭىستىڭ بەلگىسى - جاۋدىڭ تۋىن جىعىپ، ءوز تۋىن تىگۋ. ءوزى قانسىراپ ءولىپ بارا جاتسا دا، تۋىن جىقپاي تىستەنىپ ولگەن تاريحتا قانشاما ەرلەر بولعان.

ءبىز كەشەگى رەيحستاگقا تۋ تىككەن راقىمجاننىڭ ۇرپاقتارى ەدىك. نامىسشىل ەدىك. ارلى ەدىك. ال، بۇگىن تاۋەلسىزدىك تويىنىڭ جاڭا جىل مەرەكەسىنىڭ كولەڭكەسىندە قالۋى مەنىڭ ارىپتەستەرىمدى عانا ەمەس، بارلىق اقپارات قۇرالدارىنىڭ، ەلدىڭ ءبىراز نارازىلىعىن تۋدىرعانىن بىلەسىزدەر. ءبىز وسىلاي رەنجىپ جۇرگەن كەزدە، تاعى ءبىر سوراقىلىقتىڭ كوكەسى تالدىقورعاندا بولدى. شاھاردىڭ قالابەزەندىرۋشىلەرى مەن كوشە تازالاۋشىلارى جاڭا جىل قارساڭىندا قاربالاسقاندىعى سونداي، تۋعا ءسۇرىنىپ جۇگىرىپ ءجۇر. كادىمگى اقوردانىڭ ايبىنىن اسقاقاتاتىپ تۇرعان، قازاقستاننىڭ قادىرلى تۋىنان دوربا تىگىپ، قوقىس تاسىپ ءجۇر. (14-جەلتوقساندا «جەتىسۋ» گازەتىنىڭ سەيسەنبىلىك نومىرىندە جازدى. سۋرەتى «نامىس.kz» سايتىندا جاريالاندى. 20.12.2010 ج.)

مۇنى ىستەپ جۇرگەندەر «جيگۋلي» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرلەرى. ورتالىق الاڭداعى شىرشانى ساندەيتىن ويىنشىقتاردى دا وسى قاپقا سالىپ سۇيرەپ جۇرگەن سەرىكتەستىكتىڭ بەزەندىرۋ بويىنشا قىزمەتكەرى سۆەتلانا درۋزينا مەن كوگالداندىرۋ بويىنشا جۇمىسكەرى گالينا كراسكوۆا «بۇل تۋ ەسكىرىپ قالعان ەكەن، سوندىقتان ءبىر ىسكە جاراپ كەتسىن دەپ پايدالانىپ جاتىرمىز» دەگەنىنە نە دەۋگە بولادى.

«نامىس.kz» سايتىندا جاريالانعان ماقالا سوڭىنداعى فورۋمعا قاراساڭىزدار، ەلدىڭ نارازىلىعىنان تۋعان مىنانداي ولەڭ جولدارى بار:

«بابامنىڭ تىككەن تۋى ورداسىنا،

اينالدى اياز اتا دورباسىنا!

وسىلاي كەتە بەرسە ەرتەڭ تۋىڭ

كىم كەپىل «ەدەن جۋعىش بولماسىنا؟! -  دەپ زارلايدى.

تاۋەلسىز ەلدىڭ بايراعىن، قىران قالىقتاعان - كوك تۋىمدى بىرەسە دامبال، بىرەسە دوربا قىلعان زىميان ارەكەتتەرگە توقتاۋ سالاتىن ناقتى تەتىك تابۋدىڭ ۋاقىتى ابدەن جەتكەن سەكىلدى!»

وقۋشىلار قاي سوزىمىزگە سەنبەك؟

بۇگىنگى تاڭداعى مەكتەپتەردەگى وقۋ باعدارلامالارىنداعى قايشىلىقتار ساۋالىمىزعا وزەك بولىپ وتىر. بۇل ماسەلەگە نازار اۋدارۋ قاجەتتىلىگىنىڭ ۋاقىتى جەتكەن سەكىلدى. ايتقالى وتىرعان ماسەلەمىز - دارۆيندىك تەوريانىڭ ءالى دە وقۋ باعدارلاماسىندا سالتانات قۇرۋى. الەمگە ۇلگى بولعان اقش سەكىلدى مەملەكەتتىڭ ءوزى  1935 جىلدان باستاپ ءدارۆينيزمدى ۇسىنۋدى زاڭمەن  تىيعان بولاتىن. جالپى، ءدارۆينيزمنىڭ  عىلىمي فاكت رەتىندە تانىلۋىنىڭ نەگىزگى سەبەبى - ماركستىك-لەنيندىك فيلوسوفيانى (ملف) ۇلىقتاۋ قاجەتتىلىگىنەن تۋىنداعان سوۆەتتىك يدەولوگيانىڭ تالابى بولاتىن. ال، بۇگىن ملف كەلمەسكە كەتتى.

سونداي-اق، ءدىنتانۋ ءپانىنىڭ قازاقستان مەكتەپتەرىندە بەرىلە باستاۋى - دارۆيندىك تەورياعا مۇلدەم كەراعار.

جاراتىلىستانۋ، تاريح سەكىلدى پاندەردەن مايمىلدان تاراپ، ەندى كەلەسى پاندە قۇداي جاراتتى دەپ ءدارىس العان بالا قاي سوزىمىزگە سەنبەك؟!

ۇرپاقتى وتىرىككە تاربيەلەۋ مەكتەپ قابىرعاسىنان باستالماق پا؟!

عىلىمي شىندىق، ىلىمدەگى ادىلەتتىلىك قاشان سالتانات قۇرماق؟

«بالالارىمىزدى قاي باعىتقا بەيىمدەيمىز؟!» دەگەن سىندى سايلاۋشىلارىمىزدىڭ سانسىز ساۋالىنا ناقتى جاۋاپ بەرەتىن ۋاقىت كەلدى. وسىنداي ۋاقىت كۇتتىرمەيتىن ماڭىزدى ماسەلەگە ايرىقشا نازار اۋدارىپ، شەشۋىمىزدى وتىنگەن سايلاۋشىلارىمىزدىڭ تالابىن جەتكىزەمىن.»

«Namys.kz» سايتى

 

 

0 پىكىر