قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىماسى بويىنشا «ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك   2017 جىلعى  27  قىركۇيەكتە  قازاقستان حالقى تىلدەرىنىڭ ءحىح رەسپۋبليكالىق فەستيۆالى اياسىندا مەملەكەتتىك قىزمەتشى جاستار اراسىندا «ءتىل شەبەرى-2017» رەسپۋبليكالىق كونكۋرسىن ۇيىمداستىرادى.

كونكۋرستىڭ ماقساتى:

- جاھاندىق وركەنيەت پەن ەلىمىزدىڭ  دامۋ باعىتىنا ساي  ءۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن، جان-جاقتى ءبىلىمدى، ءوزىنىڭ سالاسىندا كاسىبي قۇزىرلى  مەملەكەتتىك قىزمەتشى جاستاردى  انىقتاپ، قولداۋ كورسەتۋ;

- ۇشتۇعىرلى ءتىل ساياساتىن  ناسيحاتتاۋ، ىسكەرلىك جانە حالىقارالىق قارىم-قاتىناس قۇرالى رەتىندەگى تىلدەردى مەملەكەتتىك قىزمەتشى جاستاردىڭ مەڭگەرۋ دەڭگەيىن انىقتاۋ.

كونكۋرسقا 21 - 29 جاس ارالىعىنداعى ورتالىق اتقارۋشى ورگانداردا قىزمەت ەتەتىن  مەملەكەتتىك قىزمەتشىلەر  قاتىسادى.

كونكۋرس بارىسىندا «تۇساۋكەسەر»، «ۇلتتانىم»، «ونەرتانىم» اتالىمدارى بويىنشا  قاتىسۋشىلاردىڭ تىلدەردى مەڭگەرۋ دەڭگەيى، جاۋاپتىڭ ناقتىلىعى، ساپالىق دەڭگەيى، مازمۇندىلىعى مەن ەرەكشەلىگى، ءۇش تىلدە ورفوەپيالىق تۇرعىدان تازا سويلەۋى مادەنيەتى سىنعا تۇسەدى.

كونكۋرس جەڭىمپازدارىن عالىمدار وكىلدەرىنەن قۇرالعان قازىلار القاسى انىقتايدى.

قازىلار القاسىنىڭ شەشىمىنە سايكەس ءتىل شەبەرلەرى ديپلومدارمەن، العىسحاتتارمەن جانە  اقشالاي سىيلىقتارمەن ماراپاتتالادى.

رەسپۋبليكا دەڭگەيىندە ۇيىمداستىرىلاتىن مۇنداي كونكۋرس ءۇش ءتىلدى جەتىك مەڭگەرگەن مەملەكەتتىك قىزمەتكەرلەردى ىنتالاندىرۋ جانە مەملەكەتتىك ورگانداردا ۇشتۇعىرلى ءتىل ساياساتىنىڭ كەڭ قولداۋ تابۋىنا ىقپالىن تيگىزەدى.

وتەتىن ورنى: استانا قالاسى، تىلەپ قوبىز سارايى، كەرەي، جانىبەك حاندار كوشەسى، 18

وتەتىن ۋاقىتى:  2017 جىلعى 27 قىركۇيەك، ساع.14.00

بايلانىس تەلەفونى: 8 (7172) 40-83-97; 8 708 923 41 64

اباي-اقپارات