بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6606. قايتىس بولعاندار — 48
46 - ءسوز 4366 0 پىكىر 2 ءساۋىر, 2015 ساعات 08:34

«كوز تيمەسIن» دەپ ەدى...

(بەكزاتجاننىڭ دا تۋعان كۇنى كەلىپ قالىپتى -اۋ! ەرتەرەكتە جازىلعان دۇنيە ەدى...)

سول كۇنى بەكزاتتى "حابارلىقتار" الدىنان شىعىپ قارسى الدىق. اۋەجايدان تۇسكەن بەتتە ونى تىلەۋقابىل اعامىز ءىلىپ كەتىپ، ءبىزدىڭ تىكەلەي ەفيرگە الىپ ۇشىپ جەتكەن. ۇزىن بويلى، اقسارى جىگىت ارسالاڭداپ كەلىپ بارىمىزبەن قۇشاقتاسىپ امانداستى. قۇشاقتاعاندا قابىرعانى قاۋساتارداي قىسىپ-اق جىبەردى. قىزى بار، جىگىتى بار، ارتىنان قالمادىق. جالعىز ەمەس ەكەن. جانىندا اكە - شەشەسى بار. اكەسى مەن بەكزات ستۋدياعا كىرىپ كەتتى دە، ءبىز سىرتتان باقىلاپ تۇردىق. سول كۇنگى تىكەلەي ەفيردەگى سۇحبات سۇمدىق بولدى. شىرىلداعان تەلەفوندا مازا جوق. قازاق جەرىنىڭ بارلىق تۇكپىرiنەن كورەرمەن ىستىق لەبىزدەرىن باتىر ۇلدارىنا اياماي توكتى-اۋ كەلىپ... وليمپيادا چەمپيونى اتانعانىنا اپتا دا وتپەگەن جيىرما جاستاعى بالاڭ جىگىتكە بۇل دا كۇتپەگەن قۇبىلىس بولعانى بايقالىپ تۇر. وزىنە دەگەن ميلليونداردىڭ ىقىلاسىن العاش رەت سەزىنگەندىكتەن بە، ايتەۋىر جىميىپ كۇلە بەردى. وعان قاراعاندا اكەي ءتىس قاققان ەكەن. كوپ ساۋالدارعا ءوزى جاۋاپ بەرىپ وتىردى. مانادان بەرى قالاي بايقاماعانمىن، بەكزاتتىڭ اناسى مەنىڭ جانىمدا، ەلەۋسىزدەۋ بۇرىشتا وتىر ەكەن. كوزىنەن تارام-تارام جاس اعىپ، ساۋساقتارىن شىتىرلاتىپ وتىرعانداي بولدى. قاتتى تولقىعانى بايقالادى. كۇبىرلەپ سويلەگەنى انىق ەستىلدى: 
- جانىم-اي، كوز ءتيىپ كەتپەسە ەكەن! كوز ءتيىپ كەتپەسە ەكەن... امان بولشى!
...بۇل سۋرەت كەيىن بەكزاتتان ابايسىزدا ايرىلىپ قالعاندا كوز الدىما تالاي مارتە كەلگەنىن نەسىن جاسىرايىن. انا جۇرەگى سەزىمتال دەگەن وسى دا. ايقايلاپ قۋانبادى. استامسىنبادى. تەك، بەكزاتجاننىڭ اماندىعىن عانا تىلەپ ەدى....

ارمان سقابىلۇلى

(جازبا اۆتوردىڭ facebookتەگى پاراقشاسىنان الىندى).

0 پىكىر