Jwma, 5 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 52
46 - söz 4367 0 pikir 2 Säuir, 2015 sağat 08:34

«KÖZ TIMESIN» DEP EDİ...

(Bekzatjannıñ da tuğan küni kelip qalıptı -au! Erterekte jazılğan dünie edi...)

Sol küni Bekzattı "Habarlıqtar" aldınan şığıp qarsı aldıq. Äuejaydan tüsken bette onı Tileuqabıl ağamız ilip ketip, bizdiñ tikeley efirge alıp wşıp jetken. Wzın boylı, aqsarı jigit arsalañdap kelip bärimizben qwşaqtasıp amandastı. Qwşaqtağanda qabırğanı qausatarday qısıp-aq jiberdi. Qızı bar, jigiti bar, artınan qalmadıq. Jalğız emes eken. Janında äke - şeşesi bar. Äkesi men Bekzat studiyağa kirip ketti de, biz sırttan baqılap twrdıq. Sol küngi tikeley efirdegi swhbat swmdıq boldı. Şırıldağan telefonda maza joq. Qazaq jeriniñ barlıq tükpirinen körermen ıstıq lebizderin batır wldarına ayamay tökti-au kelip... Olimpiada çempionı atanğanına apta da ötpegen jiırma jastağı balañ jigitke bwl da kütpegen qwbılıs bolğanı bayqalıp twr. Özine degen milliondardıñ ıqılasın alğaş ret sezingendikten be, äyteuir jımiıp küle berdi. Oğan qarağanda äkey tis qaqqan eken. Köp saualdarğa özi jauap berip otırdı. Manadan beri qalay bayqamağanmın, Bekzattıñ anası meniñ janımda, eleusizdeu bwrışta otır eken. Közinen taram-taram jas ağıp, sausaqtarın şıtırlatıp otırğanday boldı. Qattı tolqığanı bayqaladı. Kübirlep söylegeni anıq estildi: 
- Janım-ay, köz tiip ketpese eken! Köz tiip ketpese eken... Aman bolşı!
...Bwl suret keyin Bekzattan abaysızda ayrılıp qalğanda köz aldıma talay märte kelgenin nesin jasırayın. Ana jüregi sezimtal degen osı da. Ayqaylap quanbadı. Astamsınbadı. Tek, Bekzatjannıñ amandığın ğana tilep edi....

Arman SQABILWLI

(Jazba avtordıñ facebooktegi paraqşasınan alındı).

0 pikir