جامبىل وبلىسىندا ورتالىق ازياداعى ءىرى كۇن ەلەكتر ستانتسياسى ىسكە قوسىلماق دەپ حابارلايدى «ZhambylNews» اقپارات اگەنتتىگى.

ءىرى كۇن ەلەكتر ستانتسياسى اعىمداعى جىلدىڭ مامىر ايىندا جامبىل وبلىسىنىڭ جۋالى اۋدانىندا ىسكە قوسىلادى. بۇگىن جامبىل وبلىسىنىڭ اكىمى كارىم كوكرەكباەۆ «بۋرنوە سولار-1» كۋن ەلەكتر ستانتسياسىنىڭ قۇرىلىس جۇمىستارىنىڭ بارىسىمەن تانىستى.
بالامالى ەنەرگيا كوزدەرىن پايدالاناتىن بۇل نىسان ورتالىق ازياداعى قۋاتتىلىعى 50 مەگاۆاتت بولاتىن العاشقى كۇن ەلەكتر ستانتسياسى بولىپ تابىلادى. قۇرىلىس جۇمىستارىنا ەۋروپادان ماماندار تارتىلىپ، «Samruk Kazyna — United Green» بىرلەسكەن كاسىپورىنى دا قۇرىلعان. مۇندا 192 مىڭ ەنەرگيا وندىرەتىن كۇن پانەلدەرى قولدانىلادى. جوبانىڭ جالپى قۇنى - 23,5 ميلليارد تەڭگەنى قۇراپ وتىر، بۇگىندە نىساندا 250 ادام تۇراقتى جۇمىسپەن قامتىلعان.

سونىمەن بىرگە، بريتاندىق ينۆەستور «United Green» كومپانياسى جىل سوڭىنا دەيىن ستانتسيانىڭ قۋاتىن 100 مەگاۆاتتقا دەيىن ارتتىرۋدى جوسپارلاۋدا. بۇل ءوز كەزەگىندە 30 000 ءۇيدى  جارىقپەن قامتاماسىز ەتۋگە جەتكىلىكتى.
قازىرگى ۋاقىتتا جامبىل وبلىسى بالامالى ەنەرگيا كوزدەرىن دامىتۋدا جانە ونى پايدالانۋدا ەلىمىز بويىنشا الدىڭعى ورىندا كەلەدى. ايماقتا وسى سالادا 12 ينۆەستيتسيالىق جوبا ازىرلەنۋدە.
جامبىل وبلىسىنىڭ اكىمى ك.كوكرەكباەۆ جۇمىس ساپارى بارىسىندا اۋداننىڭ سۋ نىساندارىن ارالادى جانە ءىرى كاسىپورىنداردا بولىپ، كاسىپكەرلەرمەن كەزدەستى.

اباي-اقپارات