20 ءساۋىر  كۇنى ساعات «سۇڭقار» حالىقارالىق شاڭعى ءترامپلينى كەشەنىندە، قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ فيليالىندا «قازكونتەنت» اق جانە قازىلار مۇشەلەرىنىڭ، كونكۋرستى ۇيىمداستىرۋشىلاردىڭ قاتىسۋىمەن «سەنىڭ داۋىسىڭ – سەنىڭ بولاشاعىڭ» اتتى پوستەرلەردىڭ رەسپۋبليكالىق كونكۋرسىنىڭ ءوتۋ بارىسى تۋرالى ءباسپاسوز ءماسليحاتى ءوتتى.

«سەنىڭ داۋىسىڭ – سەنىڭ بولاشاعىڭ» پوستەرلەر كونكۋرسى 17 ناۋرىزدا باستاۋ العان بولاتىن. اۆتورلاردىڭ كوپشىلىگى – 18 بەن 20 جاس ارالىعىنداعى جاستار وكىلى. كونكۋرستىڭ ەڭ جاس قاتىسۋشىسى شۇعىلا ماحامبەت 14 جاستا. ول استانا قالاسىندا تۇرادى جانە قازاق ۇلتتىق ونەر ۋنيۆەرسيتەتى جانىنداعى مەكتەپتىڭ 5 سىنىبىندا وقيدى.

كونكۋرستىق جۇمىستار كىشكەنە كەنتتەردەن باستاپ ۇلكەن قالالارعا دەيىنگى قازاقستاننىڭ بارلىق وڭىرلەرىنەن جولداندى. پوستەرلەردىڭ كوپشىلىگى الماتى، اقمولا جانە باتىس قازاقستان وبلىستارىنان كەلىپ ءتۇستى – ولاردىڭ سانى بارلىق جۇمىستاردىڭ جارتىسىنان استامىن قۇرادى.

كونكۋرستىق جۇمىستاردى قابىلداۋ 15 ساۋىردە اياقتالدى، ودان كەيىن قازىلار ەڭ ۇزدىك جۇمىستاردى تاڭدادى جانە 20 ساۋىردە جەڭىمپازداردى ماراپاتتاۋ ءوتتى.

كونكۋرس «Sailau2015.el.kz» ارنايى تۇعىرناماسى اياسىندا، «El.kz» الەۋمەتتىك جەلىسى بازاسىندا جۇرگىزىلدى. «El.kz» جوباسى ەڭ تالانتتى جانە قىزىقتى جاس ادامداردى بىرىكتىرەدى.

قازىرگى ۋاقىتتا «El.kz» ارقاسىندا  قازاقستاندىقتار، انا ءتىلى، حالىقتىڭ مادەنيەتى مەن داستۇرلەرى تۋرالى بىرەگەي ماتەريالدار جاسالىپ، سانىنىڭ ارتۋى جالعاسىپ وتىرعان   پورتالدا الەۋمەتتىك جەلىلەر مەن بلوگ-تۇعىرنامالاردىڭ 190 مىڭداي پايدالانۋشى–اۆتورلاستارى تىركەلدى.  پورتالدىڭ الەۋەتىندە - كرەاتيۆتى يدەيالار، بلوگتار، شولۋلار، اناليتيكالىق ماتەريالدار، فوتورەپورتاجدار مەن بەينەلەر  كۇن سايىن شىعۋدا.

اقپاراتتىق انىقتاما:

باس جۇلدەنى (حالىقتىق داۋىس بەرۋ) - الماتى قالاسىنىڭ تۇرعىنى ەركەبۇلان ءومىرحانۇلى قازىكەنوۆ جەڭىپ الدى.

قازىلار تاڭداۋى نوميناتسياسى بويىنشا:

ءبىرىنشى ورىن - اينۇر باحىتبەكقىزى بوكينا. استانا قالاسىنان

ەكىنشى ورىن - ۆيكتوريا ۆاديموۆنا رەزۋنوۆا. پاۆلودار قالاسىنان.

ءۇشىنشى ورىن -  ساعيدوللا حالەكەسۇلى احتانوۆ. الماتى قالاسىنان.

"كازكا" قازاقستاندىق قاۋىمداستىق نوميناتسياسى بويىنشا :

ءبىرىنشى ورىن - بەكزات ءابىلداۇلى ماحامبەت. استانا قالاسىنان.

ەكىنشى ورىن - ميرجان مۇحامبەتۇلى مۇحامبەتوۆ  ورال قالاسىنان

ءۇشىنشى ورىن – سۋرەتشى رەناتا ەۆسەەۆا، تالدىقورعان قالاسىنان.

اباي-اقپارات