سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
بيلىك 4515 0 پىكىر 27 شىلدە, 2016 ساعات 14:34

قانت قىزىلشاسىن ءوسىرۋ قارقىنى ارتىپ كەلەدى

قانت قىزىلشاسىن ءوسىرۋدىڭ وزىق تەحنولوگياسى، ەگىستىكتى سۋارۋ، تىڭايتقىشتاردى ءتيىمدى پايدالانۋ، ەگىس القاپتارىنىڭ كولەمىن ۇلعايتۋ – قانت ءوندىرىسىن دامىتۋدىڭ نەگىزگى باعىتتارى. بۇل تۋرالى وبلىس اكىمى اماندىق باتالوۆ كوكسۋ جانە سارقان اۋداندارىنا بارعان ساپارىندا ايتتى.

الدىمەن وبلىس اكىمى كوكسۋ اۋدانىندا بولدى. ونداعى قانت زاۋىتىنا جانە سالىنىپ جاتقان ءسۇت-تاۋارلى فەرماسىنا باردى. كوكسۋ قانت زاۋىتى ديرەكتورىنىڭ ورىنباسارى نۇرجان قارعاباەۆتىڭ ايتۋىنشا، بيىلعى جىلى كوكسۋ زاۋىتى ەكى مىڭ توننادان استام شيكىزات وڭدەۋدى جوسپارلاپ وتىر. ول ءۇشىن بىرنەشە ءوندىرىس تسەحىندا جاڭعىرتۋ جۇمىستارى ءجۇرىپ جاتىر. ازىق-تۇلىك، ءسول تازارتۋ تسەحتارى تولىعىمەن جاڭارتىلىپ، ديففۋزيالىق ءبولىم، ۆاكۋم اپپاراتتارى جوندەۋدەن وتكىزىلۋدە. جاڭعىرتۋ جۇمىستارى قىركۇيەك ايىنىڭ ورتاسىندا اياقتالىپ، زاۋىت قازان ايىندا تولىعىمەن ىسكە كىرىسپەك.

وبلىس باسشىسى بارعان كەلەسى نىسان قۇرىلىسى ءجۇرىپ جاتقان ءسۇت-تاۋارلى فەرماسى بولدى. «جەتىسۋ» اكك» ۇك اق مەن «كاريموۆ» جك اراسىنداعى مەملەكەتتىك-جەكەمەنشىك سەرىكتەستىك نەگىزىندە سالىنىپ جاتقان زاماناۋي جوباعا 1 ملرد. 300 تىس. تەڭگە قۇيىلدى. بۇل 400 باسقا ارنالعان جوعارى تەحنولوگيالى روبوتتاندىرىلعان ءسۇت-تاۋارلى فەرماسى بولماق. مۇنداي فەرما قۇرۋ ارقىلى مال ازىعىمەن قامتاماسىز ەتەتىن بىرنەشە كووپەراتيۆتەر ۇيىمداستىرىلادى. ستف-نىڭ جوبالىق قۋاتى جىلىنا 2500 توننا ءسۇت وندىرە الادى، جىلىنا 40 باسقا دەيىن ءسۇتتى باعىتتاعى اسىل تۇقىمدى بۇزاۋلاردى وسىرۋگە مۇمكىندىگى بار. سونىمەن قاتار جىل سايىن 50 توننا ەت وبلىس پەن ەلىمىزدىڭ نارىعىنا شىعارىلماق.

وبلىس اكىمىنىڭ جۇمىس ساپارى سارقان اۋدانىندا جالعاستى. مۇندا وبلىس دەلەگاتسياسى قانت قىزىلشاسىن وسىرەتىن «سامال» شارۋاشىلىعىندا بولدى. شارۋاشىلىق باسشىسى ەرمەك قاليەۆ «سامالدىڭ» ەكى ءجۇز گەكتار جەرى بار ەكەنىن، ونىڭ باسىم بولىگىندە قىزىلشا، تاعى 350 گەكتارعا سويا ەگىلگەنىن ايتتى.

بۇدان ءارى وبلىس باسشىسى «جاستار» شارۋا قوجالىعىنا اتباسىن تىرەدى. بۇل شارۋاشىلىق بيىلعى جىلى اۋداندىق «جاسىل ەل» جاستار وتريادىنىڭ باستاماسىمەن قۇرىلعان. ونىڭ بەلسەندىلەرى، ياعني وتىزعا جۋىق سارقاندىق قىزدار مەن جىگىتتەر 4,5 گەكتار جەرگە قانت قىزىلشاسىن ءوسىرۋدى قولعا العان.

سونىمەن قاتار رەسمي دەلەگاتسيا قىزىلشا وسىرەتىن «جاسقانات» شارۋا قوجالىعىندا دا بولدى. ونىڭ القابىنىڭ اۋماعى 583 گەكتار جەردى الىپ جاتىر. باسشىسى قانات بىلىسكەلدينوۆ قىزىلشا وسىرۋمەن قاتار مال شارۋاشىلىعىن دامىتىپ وتىرعانىن تىلگە تيەك ەتتى. مۇندا ءىرى قارا تابىنى مەن 450 باس قوي ءوسىرىلىپ وتىر.

جۇمىس ساپارىن سارقاندىق اۋىل شارۋاشىلىعى بىرلەستىكتەرىنىڭ بەلسەندى وكىلدەرىمەن بولعان كەزدەسۋ قورىتىندىلادى. اشىق اسپان استىنداعى كەزدەسۋدە اماندىق باتالوۆ شارۋالاردىڭ قيىن دا جاۋاپتى ىستەگى ەرەن ەڭبەكتەرى ءۇشىن ريزاشىلىعىن ءبىلدىردى. مەملەكەت باسشىسى نۇرسۇلتان ءابىشۇلى نازارباەۆتىڭ تاپسىرماسىمەن جەتىسۋ جەرىندە قانت قىزىلشاسى قايتا جاڭعىرتىلىپ جاتقانىن، وبلىس قازاقستاندا الدىڭعى قاتارداعى قانت قىزىلشاسىن ءوسىرۋشى ايماق بولاتىنىن جەتكىزدى.

- قىزىلشاشىلارعا جان-جاقتى كومەك كورسەتىلۋدە، بۇدان ءارى دە سول قولداۋ جالعاستىرىلاتىن بولادى. بۇگىنگى كۇنى سىزدەر ءۇشىن زاماناۋي تەحنيكالار، بولشەكتەر، جوعارى ءونىمدى گيبريدتى تۇقىم ساتىپ الىنۋدا، سۋبسيديا، گەربيتسيدتەر، جاعارماي ءبولىپ وتىرمىز. الداعى كۇز سول اتقارىلعان يگى ىستەردىڭ ناتيجەسىن كورسەتەدى دەپ سەنەمىن. مەملەكەت پەن شارۋالاردىڭ ورتاق ءىسىنىڭ ارقاسىندا ءبىز قانت قىزىلشاسىن ەلىمىزدەگى ەڭ ماڭىزدى داقىلداردىڭ بىرىنە اينالدىرامىز، - دەدى ا. باتالوۆ.

جالپى، سارقان اۋدانىنا بارعان ساپارىندا وبلىس اكىمى نوۆوپوكروۆكا اۋىلىنداعى ورتا مەكتەپتىڭ عيماراتىن ارالاپ، «جوڭعار الاتاۋى مەملەكەتتىك ۇلتتىق پارك» اۋماعىندا بولدى. قىلقان جاپىراقتى، جاپىراقتى، دەكوراتيۆتى جانە جەمىس اعاشتارىن وسىرۋگە ماماندانعان ۇدتتىق پاركتىڭ جاسىل جەلەك قورىندا قازىر ون سەگىز ءتۇرلى جارتى ميلليون ءتۇپ اعاش بار. ۇلتتىق پارك پەن ونىڭ الاكول جانە لەپسىدەگى فيليالدارى جۇمىستارىنىڭ باستى باعىتتارىنىڭ ءبىرى رەتىندە اپورت المالارىن وسىرۋگە دەن قويىپ وتىر.

Abai.kz

0 پىكىر