Seysenbi, 2 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5587. Qaytıs bolğandar — 41
Bilik 4514 0 pikir 27 Şilde, 2016 sağat 14:34

QANT QIZILŞASIN ÖSİRU QARQINI ARTIP KELEDİ

Qant qızılşasın ösirudiñ ozıq tehnologiyası, egistikti suaru, tıñaytqıştardı tiimdi paydalanu, egis alqaptarınıñ kölemin wlğaytu – qant öndirisin damıtudıñ negizgi bağıttarı. Bwl turalı oblıs äkimi Amandıq Batalov Köksu jäne Sarqan audandarına barğan saparında ayttı.

Aldımen oblıs äkimi Köksu audanında boldı. Ondağı qant zauıtına jäne salınıp jatqan süt-tauarlı fermasına bardı. Köksu qant zauıtı direktorınıñ orınbasarı Nwrjan Qarğabaevtıñ aytuınşa, biılğı jılı Köksu zauıtı eki mıñ tonnadan astam şikizat öñdeudi josparlap otır. Ol üşin birneşe öndiris cehında jañğırtu jwmıstarı jürip jatır. Azıq-tülik, söl tazartu cehtarı tolığımen jañartılıp, diffuziyalıq bölim, vakuum apparattarı jöndeuden ötkizilude. Jañğırtu jwmıstarı qırküyek ayınıñ ortasında ayaqtalıp, zauıt qazan ayında tolığımen iske kirispek.

Oblıs basşısı barğan kelesi nısan qwrılısı jürip jatqan süt-tauarlı ferması boldı. «Jetisu» ÄKK» WK AQ men «Karimov» JK arasındağı memlekettik-jekemenşik seriktestik negizinde salınıp jatqan zamanaui jobağa 1 mlrd. 300 tıs. teñge qwyıldı. Bwl 400 basqa arnalğan joğarı tehnologiyalı robottandırılğan süt-tauarlı ferması bolmaq. Mwnday ferma qwru arqılı mal azığımen qamtamasız etetin birneşe kooperativter wyımdastırıladı. STF-nıñ jobalıq quatı jılına 2500 tonna süt öndire aladı, jılına 40 basqa deyin sütti bağıttağı asıl twqımdı bwzaulardı ösiruge mümkindigi bar. Sonımen qatar jıl sayın 50 tonna et oblıs pen elimizdiñ narığına şığarılmaq.

Oblıs äkiminiñ jwmıs saparı Sarqan audanında jalğastı. Mwnda oblıs delegaciyası qant qızılşasın ösiretin «Samal» şaruaşılığında boldı. Şaruaşılıq basşısı Ermek Qaliev «Samaldıñ» eki jüz gektar jeri bar ekenin, onıñ basım böliginde qızılşa, tağı 350 gektarğa soya egilgenin ayttı.

Bwdan äri oblıs basşısı «Jastar» şarua qojalığına atbasın tiredi. Bwl şaruaşılıq biılğı jılı audandıq «Jasıl el» jastar otryadınıñ bastamasımen qwrılğan. Onıñ belsendileri, yağni otızğa juıq sarqandıq qızdar men jigitter 4,5 gektar jerge qant qızılşasın ösirudi qolğa alğan.

Sonımen qatar resmi delegaciya qızılşa ösiretin «Jasqanat» şarua qojalığında da boldı. Onıñ alqabınıñ aumağı 583 gektar jerdi alıp jatır. Basşısı Qanat Biliskeldinov qızılşa ösirumen qatar mal şaruaşılığın damıtıp otırğanın tilge tiek etti. Mwnda iri qara tabını men 450 bas qoy ösirilip otır.

Jwmıs saparın sarqandıq auıl şaruaşılığı birlestikteriniñ belsendi ökilderimen bolğan kezdesu qorıtındıladı. Aşıq aspan astındağı kezdesude Amandıq Batalov şarualardıñ qiın da jauaptı istegi eren eñbekteri üşin rizaşılığın bildirdi. Memleket basşısı Nwrswltan Äbişwlı Nazarbaevtıñ tapsırmasımen Jetisu jerinde qant qızılşası qayta jañğırtılıp jatqanın, oblıs Qazaqstanda aldıñğı qatardağı qant qızılşasın ösiruşi aymaq bolatının jetkizdi.

- Qızılşaşılarğa jan-jaqtı kömek körsetilude, bwdan äri de sol qoldau jalğastırılatın boladı. Bügingi küni sizder üşin zamanaui tehnikalar, bölşekter, joğarı önimdi gibridti twqım satıp alınuda, subsidiya, gerbicidter, jağarmay bölip otırmız. Aldağı küz sol atqarılğan igi isterdiñ nätijesin körsetedi dep senemin. Memleket pen şarualardıñ ortaq isiniñ arqasında biz qant qızılşasın elimizdegi eñ mañızdı daqıldardıñ birine aynaldıramız, - dedi A. Batalov.

Jalpı, Sarqan audanına barğan saparında oblıs äkimi Novopokrovka auılındağı orta mekteptiñ ğimaratın aralap, «Joñğar Alatauı memlekettik wlttıq park» aumağında boldı. Qılqan japıraqtı, japıraqtı, dekorativti jäne jemis ağaştarın ösiruge mamandanğan wdttıq parktiñ jasıl jelek qorında qazir on segiz türli jartı million tüp ağaş bar. Wlttıq park pen onıñ Alaköl jäne Lepsidegi filialdarı jwmıstarınıñ bastı bağıttarınıñ biri retinde aport almaların ösiruge den qoyıp otır.

Abai.kz

0 pikir