توتەنشە جاعدايلار مينيسترلىگى وڭىرلەر سۋ تاسقىنى جاعدايى بويىنشا تىڭ مالىمەتتەردى جاريالادى، دەپ حابارلايدى Ulysmedia.kz.

ازاماتتىق قورعاۋ قىزمەتتەرى اتىراۋ، اقتوبە، باتىس قازاقستان جانە سولتۇستىك قازاقستان وبلىستارىندا سۋ تاسقىنىنا قارسى ءىس-شارالار، سۋ تاسقىنى سالدارىن جويۋ جانە حالىققا كومەك كورسەتۋ بويىنشا جۇمىستار جالعاسىپ جاتىر.

باتىس قازاقستان وبلىسى

تجم حابارلاۋىنشا، وڭىردە جاعداي تۇراقتالعان. سۋ باسقان ساياجاي اۋماقتارىنا مونيتورينگ جۇرگىزۋ جالعاسقان. توتەنشە جاعدايلار  جانە پوليتسيا دەپارتامەنتىنىڭ قىزمەتكەرلەرى بىرلەسىپ، سۋ باسقان اۋماقتاردى پاترۋلدەۋدە.

كومەككە كەلگەن اقتوبە، تۇركىستان وبلىستارى توتەنشە جاعدايلار دەپارتامەنتتەرىنىڭ جەكە قۇرامىنان قۇرىلعان جيىنتىق توپتاردىڭ كۇشتەرى مەن قۇرالدارى جايىق وزەنىنىڭ بويىندا ورنالاسقان ەلدى مەكەندەردە سۋ تاسقىنىنا قارسى ءىس-شارالار جۇرگىزۋ ءۇشىن باتىس قازاقستان وبلىسىنان اتىراۋ وبلىسىنا جىبەرىلدى.

اتىراۋ وبلىسى

جايىق وزەنىنىڭ مونيتورينگى جالعاسىپ جاتىر. سۋدىڭ دەڭگەيى كوتەرىلگەنى بايقالادى. سۋ تاسقىنىنان قورعاۋ ماقساتىندا اتىراۋ قالاسىندا  بوگەتتەردى نىعايتۋ جۇمىستارى ۇزدىكسىز جۇرگىزىلىپ جاتىر. بۇگىنگى تاڭدا ۇزىندىعى 240 كم قورعانىس بوگەتتەرىن نىعايتۋ جۇرگىزىلدى. بۇعان دەيىن كومەككە كەلگەن  كۇشتەر مەن قۇرالدار ۋچاسكەلەرگە ءبولىنىپ، قاجەتتى جۇمىستاردى اتقارۋدا.

جالپى ەسەپ

سولتۇستىك قازاقستان، اتىراۋ جانە اقتوبە وبلىستارىندا 6 082 تۇرعىن ءۇي مەن 2 584 اۋلا اۋماعىنان سۋدىڭ باعىتى بۇرىلىپ، سۋ سورىلدى. رەسپۋبليكا بويىنشا 35 122 ادام ءوز ۇيلەرىنە ورالدى. 8 520 ادام ەۆاكۋاتسيالاۋ پۋنكتتەرىندە.

اۆاريالىق-قۇتقارۋ جانە سۋ تاسقىنىنا قارسى جۇمىستارعا 25 مىڭنان استام ادام،  3 مىڭ تەحنيكا، 634 سۋ سورۋ قۇرالى، 268 ءجۇزۋ قۇرالى، 14 اۋە كەمەسى جۇمىلدىرىلعان.

Abai.kz