تۇركىستان قالاسىنداعى ورتالىق ەسىمحان الاڭىندا شاھار تۇرعىندارى ريو وليمپياداسىنىڭ كۇمىس جۇلدەگەرى جازيرا جاپپارقۇل مەن 19 جاستاعى تۇركىستاندىق پالۋان ديدار حامزانى زور قوشەمەتپەن قارسى الدى دەپ حابارلايدى تۇركىستان قالاسى اكىمىنىڭ ءباسپاسوز قىزمەتى.

بايراقتى باسەكەدە ەل نامىسى ءۇشىن سىنعا تۇسكەن قوس ساڭلاقتى الدىمەن، قالا اكىمى ءا.وسەرباەۆ قۇتتىقتاپ، قارجىلاي سىي-سىياپات جاسادى. سونىمەن بىرگە، وبلىستىق ءماسليحات دەپۋتاتى ر.تاڭىربەرگەنوۆ ءسوز الىپ، كۇمىس قىزعا جەڭىل اۆتوكولىكتىڭ كىلتىن سالتاناتتى جاعدايدا تابىس ەتتى.

ەرەكشە ىقىلاس بىلدىرگەن قالا جۇرتشىلىعىنا العىسىن جەتكىزگەن جازيرا جاپپارقۇل ءوز سوزىندە تۇركىستان قالاسىنىڭ جاستارىن ء«ا.نۇرماحانوۆ اتىنداعى وبلىستىق وليمپيادا رەزەرۆىن دايارلايتىن سپورت مەكتەبىنەن» اشىلعان اۋىر اتلەتيكا ۇيىرمەسىنە قاتىسۋعا شاقىردى.

جازيرا جاپپارقۇل - زىلتەمىرشى, ەكى دۇركىن الەم چەمپيوناتىنىڭ كۇمىس جۇلدەگەرى (2014 ج.), جاسوسپىرىمدەر وليمپياداسىنىڭچەمپيونى، 2016 جىلعى وليمپيادا ويىندارىنىڭ كۇمىس جۇلدەگەرى.

ونىڭ ەڭ العاشقى جاتتىقتىرۋشىسى، دەنە شىنىقتىرۋ پانىنەن ساباق بەرگەن جانە وسى سپورتقا الىپ كەلگەن كىسى - دۇيسەنبەك قۇرمانبەكوۆ.

جازيرا جاتتىعۋ كەزىندە جۇلقا كوتەرۋدەن 123 كەلىنى، سەرىپپە كوتەرۋدەن 150 كەلىنى وڭاي ەڭسەرەدى. الماتىدا وتكەن الەم چەمپيوناتىندا (2014 ج.) 69 كەلى سالماقتا سىنعا تۇسكەن 20 جاستاعى جازيرا جاپپارقۇل قوسسايىستا 262 كەلى سالماقتى ەڭسەرىپ، كۇمىس جۇلدەگە يە بولدى. جازيرا ءوزىنىڭ باستى قارسىلاسى رە ىن حيدەن (كحدر) 3 كەلى ۇتىلدى. جازيرا جا­پ­پارقۇل ەكىنشى رەتتە 118-ءدى الا ال­ماعانمەن، سوڭعى مۇمكىندىگىندە تو­­بە­سىنە تىك كوتەردى. ول قىتاي قىزى يۋ يا چەننەن بىر­نەشە گرامعا اۋىر بولعان سوڭ بۇل باعدارلا­ما بويىنشا ءۇشىنشى ورىندا قالدى. جازيرا جاپپارقۇل 140 كەلىدەن باستاپ، ەكىنشىسىندە 144 كەلىنى ال­عانىمەن، تورەشىلەر ەسەپكە العان جوق. ءۇشىنشى تاۋەكەلگە شىققان جازيرا ءبارىبىر بۇل سالماقتى باعىندىردى. الماتىدا ءوتىپ جاتقان الەم چەمپيوناتىندا (2014 ج.) 145 كەلى كوتەرگەن رە ىن حيدەن (كحدر) الەم چەمپيونى اتاندى

اباي-اقپارات