اقپاراتتىق تەحنولوگيا دامىعان زاماندا تاڭ قالارلىق جاعدايلار كوبەيۋدە. ءتىپتى جيىلەپ بارادى دەسەك تە بولادى. سولاردىڭ ءبىرى – ءمينيستردىڭ ونلاين-قابىلداۋىنا جازىلۋ!

ءمينيستردىڭ ونلاين-قابىلداۋىنا جازىلۋ ءسىز ويلاعاننان دا جەڭىل. بار بولعانى قازاقستان رەسپۋبليكاسىنىڭ ەلەكتروندىق ۇكىمەتى ۇسىنعان www.egov.kz پورتالىنا كىرىپ، قىزمەتكە تاپسىرىس بەرۋ. قىزمەتتى جەكە جانە زاڭدى تۇلعالاردىڭ دا پايدالانۋىنا بولادى.

سەرۆيستىڭ كومەگىمەن بەينە-كونفەرەنتسيا ارقىلى مەملەكەتتىك ورگاننىڭ ءبىرىنشى باسشىسىنىڭ ۆيرتۋالدى قابىلداۋىنا قاتىسا الاسىز.

بۇل ءۇشىن نە ىستەۋ كەرەك؟ 

1.         پورتالدا اۆتورلانۋ (ەگەر پورتالعا ءبىرىنشى رەت كىرسەڭىز، پورتالدا تىركەلۋ قاجەت بولادى).

2.         سەرۆيس پاراعىندا «قىزمەتكە ونلاين تاپسىرىس جاساۋ» پەرنەسىنە باسۋ.

3.         قاجەتتى ورگاندى تاڭداۋ.

4.         مەملەكەتتىك ورگاننىڭ ءبىرىنشى باسشىسىنىڭ قابىلداۋ كەستەسىمەن تانىسۋ.

5.         قابىلداۋعا جازىلۋ، قاجەتتى كۇندى، ءوزىڭنىڭ بايلانىس دەرەكتەرىڭدى، سونداي-اق بەينە-كونفەرەنتسياعا قاتىسۋ ءۇشىن قولايلى حقكو-نى كورسەتۋ.

6.         كورسەتىلگەن ۋاقىتتا حقكو-عا بارۋ.

باس تارتۋ شارتتارى قانداي؟ 

قابىلداۋعا بەرىلگەن وتىنىمنەن باس تارتىلادى، ەگەر

- كورسەتىلگەن كۇنى باسقا تۇلعالاردى قابىلداۋ بەلگىلەنسە. بۇل جاعدايدا ءوتىنىمدى باسقا كۇندى كورسەتىپ قايتا بەرۋگە بولادى.

- ماسەلە مەملەكەتتىك ورگاننىڭ ءبىرىنشى باسشىسىنىڭ قۇزىرەتىندە بولماسا.

سونىمەن قاتار، بۇل قىزمەتتى مىسالى، «حالىققا قىزمەت كورسەتۋ ورتالىعى» رمك قىزىلوردا وبلىسى بويىنشا فيليالىنىڭ №1 قالالىق بولىمىنە كەلىپ، وزىنە-ءوزى قىزمەت كورسەتۋ سەكتورى ارقىلى الۋىڭىزعا بولادى. ءبولىم قىزمەتكەرلەرى سىزدەرگە كومەك بەرۋگە، قىزمەت كورسەتۋگە ءاردايىم دايىن.        

اۋىل حالقى دا باستى نازاردا! 

حالىققا قىزمەت كورسەتۋ ورتالىقتارى قالالار مەن كەنتتەردە ورنالاسسا دا، اۋىل حالقىنا قىزمەت كورسەتەدى.

شالعاي ەلدى مەكەندەردى ارالاپ، اۋىل تۇرعىندارىنىڭ قۇجاتتارىن تۇگەلدەۋ، جاڭا قىزمەتتەردى ۇيرەتۋ، حالىقتىڭ قۇقىقتىق جانە كومپيۋتەرلىك ساۋاتىن ارتتىرۋ باعىتىندا ارنايى «موبيلدىك حالىققا قىزمەت كورسەتۋ ورتالىعى» قىزمەت كورسەتەدى.

بەلگىلەنگەن كەستەگە سايكەس اقسۋات اۋىلدىق وكرۋگى، قىزىلجارما اۋىلدىق وكرۋگى، قاراۋىلتوبە اۋىلدىق وكرۋگى، قوسشىڭىراۋ اۋىلدىق وكرۋگى جانە بەلكول كەنتىنىڭ تۇرعىندارىنا مەملەكەتتىك قىزمەت ۇسىنادى.

اعىمداعى جىلدىڭ 10 ايىندا توپ قىزمەتكەرلەرى 95 رەت ىسساپارعا شىعىپ،   2195 قۇجات قابىلداعان، تاپسىرىلعان قۇجات سانى – 1818. ارنايى تەحنيكامەن جابدىقتالعان كولىك ەلدى مەكەنگە بارىپ، سول جەردەن قۇجاتتار راسىمدەلەدى.

سەنىمحاتتى دا ونلاين تۇرىندە جازىپ الۋعا بولاتىنىن بىلەسىز بە؟ 

قازاقستاننىڭ ەلەكتروندىق ۇكىمەت پورتالىندا قازاقستاننىڭ ىشكى ىستەر مينيسترلىگىنىڭ جاڭا ونلاين  قىزمەتى جىبەرىلدى، ول پايدالانۋشىعا ءوز ەركىمەن اۆتوكولىكتى باسقارۋعا سەنىمحات الۋعا مۇمكىندىك بەرەدى. ول ءۇشىن تەك  ينتەرنەتكە كىرۋگە رۇقسات جانە ەلەكتروندىق ساندىق قولتاڭبا (ەسق)  قاجەت. ودان باسقا، نوتاريۋسقا، وەپ-عا جۇگىنۋ قاجەت ەمەس. ءوتىنىش بىلدىرۋشىگە سونىمەن قاتار، قاندايدا قۇجاتتاردىڭ كوشىرمەسىن ۇسىنۋ قاجەت ەمەس، تەك ەلەكتروندىق نىساننىڭ قاجەتتى جولدارىن تولتىرۋ كەرەك.

قىزمەتتى سەنىمحات بەرۋشى الادى، ياعني بىرەۋدىڭ اتىنا سەنىمحات جازىپ بەرۋدى قالايتىن ازامات. ول ءۇشىن وعان egov.kz پورتالىندا تىركەلگەننەن كەيىن «كولىك جانە كوممۋنيكاتسيا» ءبولىمىن تاڭداپ، «اۆتوموبيل  كولىگى» قوسىمشا بەتىندە «اۋىل شارۋاشىلىعى مينيسترلىگى اسىراتىن تىركەۋلەردى قوسپاعاندا، سەنىمحات بويىنشا كولىك قۇرالىن  باسقارۋشى تۇلعالاردى تىركەۋ» دەگەن جولداردى باسۋ قاجەت. «ونلاين قىزمەتكە تاپسىرىس»   كنوپكاسىن باسقاننان كەيىن پايدالانۋشى سەنىمدى تۇلعانىڭ جسن ءنومىرىن، ونىڭ مەكەنجايىن، سونىمەن قاتار مەملەكەتتىك نومىرلىك بەلگىنى، سەرياسىن جانە كولىك قۇرالىن تىركەۋ تۋرالى كۋالىگىن كورسەتەدى. ودان كەيىن ءوتىنىش ەسق كومەگىمەن قول قويىلادى.

سۇراۋ سالۋعا وڭدەۋ  ساناۋلى سەكۋندتا بولادى، ودان كەيىن ءوتىنىش ءبىلدىرۋشى پورتالدا دايىن سەنىمحاتتى ءوزىنىڭ جەكە كابينەتى ارقىلى قاراۋعا جانە اشۋعا بولادى.

قىزمەت تەگىن كورسەتىلەدى. بارلىق سۇراقتار بويىنشا پايدالانۋشىلار 1414 ءنومىرى ارقىلى بىرىڭعاي بايلانىس ورتالىعىنا ءوتىنىش بىلدىرە الادى، قازاقستان بويىنشا  قوڭىراۋ شالۋ تەگىن.

وتە ءتيىمدى ءارى تەز!!!

 گۇلدانا راحمەتوۆا،

قىزىلوردا وبلىسى.

Abai.kz