جۇما, 12 تامىز 2022
قوعام 8458 0 پىكىر 16 شىلدە, 2014 ساعات 11:43

ورالماندارعا ەسىك اشىلدى

كەشە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا حانىم جاقسى جاڭالىعىمەن ءبولىستى.  ەندىگى جەردە اتاجۇرتىنا ورالعان اعايىندار قازاقستاننىڭ كەز كەلگەن وڭىرىنە قونىستانىپ، «ورالمان» مارتەبەسىنە قول جەتكىزە الادى. ەستەرىڭىزدە بولسا، بيىل كوكتەمدە ۇكىمەت قابىلداعان №248 قاۋلى بويىنشا ورالماندار تەك قازاقستاننىڭ 7 وبلىسىنا عانا قونىستانۋعا قۇقىلى بولاتىن. ولار نەگىزىنەن سولتۇستىك وبلىستار ەدى.

ال، وسى 8 شىلدەدە قابىلدانعان №783 ۇكىمەت قاۋلىسى بويىنشا ورالماندار الماتى جانە استانا قالالارىنان تىس قازاقستاننىڭ كەز كەلگەن ايماعىنا ورىن تەبە الادى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ باسقارما باسشىسى مارات توقسانباەۆتىڭ ايتۋىنشا، قانداستارىمىز قازىرگى مۇمكىندىكتى پايدالانىپ، «ورالمان» كۋالىگىن الىپ، سول ارقىلى «ىقتيار حاتقا» قول جەتكىزە تۇرسا، كۇزگە قاراي ولارعا ازاماتتىق بەرۋ ماسەلەسى وڭ شەشىمىن تابادى. 

بۇل دەگەن ءسوز قازاقستاننىڭ قاي تۇكپىرىنە بارسادا ورالماندارعا ەسىك اشىق دەگەن ءسوز. ايتالىق، الماتى وبلىسىنا قونىستانىپ، قۇجات ماسەلەسىن رەتتەي الماعان 100-گە جۋىق وتباسى ەندى كەرى قايتپايدى. 

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2090
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743