سەيسەنبى, 28 مامىر 2024
بۇگىنگى ساتيرا 1101 3 پىكىر 18 ءساۋىر, 2024 ساعات 13:37

مۇحتار شەرىم. ءمينيستردىڭ دۇعاسى

قانشاما رەت ايتتىم، ۇكىمەت باسشىسىنا، جۇرە، كۇلە تىڭدايدى عوي.

«جىل سايىن  بولاتىن تاسقىن قاۋپىنىڭ الدىن الايىق، حالىق جىلاماسىن، «كومەك بەرىڭدەر» دەپ ەشتەڭە سۇراماسىن، ۇيلەر قۇلاماسىن، «ءۇيىمىزدى سۋ باستى» دەپ، قۇلاقتان بۇراماسىن» دەدىم عوي، ەسىنەيدى دە قويادى. الا جازداي ايتتىم، تىڭدامايدى. وي، نە دەپ كەتتىم؟ ۇكىمەت باسشىسى مەنى تىڭدايتىنداي، كىم ەدىم؟ كەشىرىڭىز، ارمانداپ كەتىپپىن.

تاسقىن دەگەنىڭىز، «تاسىڭنان تاسىڭا سەكىرىپ، سايراسا، بۇلبۇل مەن، كەكىلىك» دەپ اندەتە، اۋىلداردى جايپاعاندا بارىپ، پرەمەر–مينيستر  توتەنشە ءمينيسترىن ەرتىپ الىپ، تاسقىننىڭ جاعاسىنا كەلدى. كوزىن جۇمىپ الىپ، باقسىلار سياقتى شىر اينالىپ ەدى، توتەنشەنىڭ كوزدەرى بوتەنشە بولىپ كەتتى.

سىزگە نە بولدى؟ دەپ سۇرادى توتەنشە.

– قازىر سۋدى تەرىس اعىزامىن، – دەدى ۇكىمەت باسشىسى.

– سونداي قۇدىرەتىڭىز بار ما ەدى؟ ازىلدەپ تۇرسىز با؟ – دەپ سۇرادى توتەنشە.

پرەمەر اۋزى-مۇرنىن جىبىرلاتىپ، قۇلاقتارىن قىبىرلاتىپ:

– بيسسيميللا، ۇكىمەتيي، تاسقىني كەرى اقسىني، ءراجييم، سۋحباناللا، تاسقىني نازاد كەتييڭ، اعۋز بيللا، «كەت دەگەندە،  يت تە كەتەدي»، كەتە سالساڭ، نەتەديي؟ پوشەل ۆون، تاسقىني، اپاتي، كەرى اققىنيي... – دەپ ەدى، وي، اللا، تاسقىن  سۋ كەرى اعىپ، لەزدە جوق بولىپ كەتكەنى! توتەنشە ءمينيسترىنىڭ كوزدەرى جەلكەسىنە قاراي شىعىپ كەتە جازدادى. وسىلاي قاراي ۋلاپ-شۋلاپ، پرەمەرگە وكپە-نازدارىن ايتۋعا كەلە جاتقان حالىق جاقىنداپ قالعان ەدى، ول:

– اح، بۋح، شاق-شۋق،

كەرى قايتىڭدار، ساق-سۇق! – دەپ ەدى، وي، اللا، حالىق سول بەتتەرىنشە، بۇرىلماستان، كەرى شەگىنىپ بارادى. كەرى كەتىرگىش پرەمەر ەكەن. مۇنى ەستىپ، رەسەيدەن پۋتين جالىندى، «پوجالۋيستا، ءبىزدىڭ ەلدەگى توپان سۋدى دا، كەرى اعىزىپ بەرسەڭىز!» دەپتى. ءوزىمىزدىڭ پرەزيدەنت شاقىرىپ الىپ، «كەرەمەت دارىنسىز! ەندى، ەلدەگى جەمقورلاردىڭ تىققان اقشالارىن دۇعامەن كەرى قايتارۋدى باستاڭىز!» دەگەندە، حالىق قۋانىپ قالىپ ەدى. اتتەگەن-اي، ونىڭ دۇعاسى جەمقورلارعا جۇرمەيدى ەكەن. تەك، وزەن-كول سۋلارىن كەرى قايتارادى ەكەن. ايتپاقشى، سەناتورلار اراسىنان دا، ەر تەگى الىپتارى سياقتى، كولتاۋىسار شىعىپتى! جارىلۋعا شاق قالعان دامبىلاردىڭ سۋىن ءبىر ۇرتتاپ، وزگە جەرگە شىرت تۇكىرە قويادى ەكەن. وي، اللا، ەندى  ولاردىڭ اراسىنان تاۋسوعار شىقپاسا جارار ەدى، تاۋدى تاۋ مەن سوعىستىرىپ، استىنان التىن ىزدەپ كەتپەسە، جارار ەدى... امان بولايىق، اعايىن! ەندى قورىقپاڭىزدار، تاسقىندى كەرى اعىزاتىن ۇكىمەتىمىز بار! ۋرا!

«ميستەر مۇحتار» تەاترى قورجىنىنان

Abai.kz

3 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2391
ادەبيەت

«سولاي ەمەس پە؟»

عابباس قابىشۇلى 2721
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3110
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1792