ەندى باسقا ايماققا كوشىپ، تۇرعىلىقتى جەردى اۋىستىرعان جاعدايدا وزىندەگى ءنومىردى اۋىستىرۋدىڭ قاجەتى جوق. سونداي-اق، بىركەلكى سانمەن جازىلعان قىمبات نومەرىڭىزدى جاقىن تۋىستارىڭىزدىڭ اتىنا قايتا راسىمدەۋگە بولادى. بۇل وزگەرىستەر تۋرالى ىشكى ىستەر مينيسترلىگى مالىمدەدى، دەپ حابارلايدى Abai.kz.

سونىمەن قاتار، ءوتىنىش جازۋ ارقىلى، ءبىر وتباسىنىڭ مۇشەلەرى ءبىر-ءبىرىنىڭ ءنومىرىن ەمىن-ەركىن الا بەرەدى. سونداي-اق، جەڭىل كولىكتەر مەن موتوتسيكلدەرگە جۇرگىزۋشى كۋالىگىن الۋ ءۇشىن مىندەتتى تۇردە كولىك مەكتەپتەرىندە وقۋ كەرەك. سەبەبى، اتالمىش ا، ۆ ساناتىنا جاتاتىن ەكى كولىك ءتۇرى جول اپاتىنا ءجيى تۇسەدى.

كولىكتى ءوز اتىڭىزعا تىركەۋ پروتسەسى دە جەڭىلدەگەن. ەندى قۇجاتتار مەملەكەتتىك ورگانداردىڭ دەرەكقورىنان الىنادى. سونداي-اق، الاياقتىقتىڭ الدىن الۋ ءۇشىن اۆتوكولىكتەردى ساتۋ-ساتىپ الۋ كەلىسىمىن نوتاريالدى كۋالاندىرۋ كەرەك.

ء"دال وسى ماقساتتا كولىكتى باستاپقى تىركەۋ نەمەسە كۋزوۆتى اۋىستىرۋ، قايتا جابدىقتاۋ نەمەسە ونىڭ ءتۇسىن اۋىستىرۋ بارىسىندا مىندەتتى تۇردە كريميناليستەر تاراپىنان كولىكتىڭ تەكسەرىلۋى ەنگىزىلدى. جالپى 53 تۇزەتۋ قابىلداندى. ولار اعىمداعى جىلدىڭ 23 ساۋىرىنەن باستاپ كۇشىنە ەندى", – دەدى قر ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ.

سۋرەت: kolesa.kz

Abai.kz