سەيسەنبى, 21 مامىر 2024
664 2 پىكىر 4 ءساۋىر, 2024 ساعات 17:19

اقسۋ تۇرعىندارى التىن ىزدەپ جەردى قازىپ تاستاعاندارعا شاعىمداندى

سۋرەت: turkystan.kz

اقسۋ اۋدانى سۋىقساي اۋىلى تۇرعىندارىندا سوڭعى جىلدارى تىنىشتىق بولماي ءجۇر.  ايتۋلارىنشا، جەتىسۋ وبلىسىندا بەلگىسىز بىرەۋلەر التىن كەنىن جاپپاي قازىپ، 25 شاقىرىمعا جۋىق جەردەن تەرەڭدىگى 2 مەتردەن اساتىن شۇڭقىرلاردى قالدىرىپ كەتە بەرگەن.

"كەلىپ جەردى قازىپ تاستايدى. بۇلاي جاساۋعا بولمايدى عوي. جەردى دە، جولدى دا قازىپ كەتكەن. ەشكىمنەن سۇراماي، ويىنا كەلگەنىن جاساپ جاتىر", – دەدى سۋىقساي اۋىلىنىڭ تۇرعىنى عالىمبەك سەيسەباەۆ. 

ءوڭىر تۇرعىندارى بۇل ماسەلەنىڭ بىرنەشە جىلدان بەرى جالعاسىپ كەلە جاتقانىن العا تارتىپ، ءتيىستى مەكەمەلەردىڭ وسى ماسەلەگە قاتىسى بار ما دەپ كۇدىكتەنەدى.

"بۇل جۇمىستار ۇزاققا سوزىلىپ كەتتى، توقتاتۋ قاجەت. ءبىرىنشى جىل بۇلاي بولىپ جاتقان جوق، ونى ءبارى بىلەدى. مۇنى باقىلاۋعا الاتىن ءتيىستى ورگاندار قايدا قاراپ وتىر؟ جايلاۋعا شىعاتىن جولدىڭ تۇگىن قالدىرمادى", – دەدى سۋىقساي اۋىلىنىڭ تۇرعىنى سايلاۋ سەكسەنباەۆ.

اۋدان اكىمىنىڭ ورىنباسارى بۇل ماسەلەنى كەشە عانا بىلگەنىن ايتىپ اقتالدى. اتالمىش ماسەلەنى قۇقىق قورعاۋ ورگاندارىنا تاپسىرىپ، تۇرعىندار تىلەگى ەسكەرىلەدى دەپ سەندىردى.

"مۇنىڭ بارلىعى زاڭسىز جۇمىستار. بىزدەن دە، باسقا ورگانداردان دا رۇقسات الماعان. ءبىزدىڭ ءوزىمىز سوڭعى ەكى-ءۇش كۇندە ەستىپ جاتىرمىز. بىزگە ەشكىم ايتپادى", – دەدى اقسۋ اۋدانى اكىمىنىڭ ورىنباسارى اماندوس سابىرباەۆ. 

تۇرعىندار ەگەر مۇنىمەن زاڭسىز ءىس بىتپەسە، جوعارىعا شاعىمدانامىز دەپ وتىر.

داريعا ەرجانقىزى

Abai.kz

 

 

 

 

2 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2244
ادەبيەت

«سولاي ەمەس پە؟»

عابباس قابىشۇلى 2598
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2566
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1687