قۋات

داۋرەن

مودەراتور

«اباي.كز» اقپاراتتىق پورتالىنىڭ باس رەداكتورى (www.abai.kz)

احمەتوۆ

قامبار

سۋرەتتەر فەيسبۋك الەۋمەتتىك جەلىسىندەگى "قازاق سايتتارى رەداكتورلارىنىڭ كونفەرەنتسيا" ارنايى پاراقشاسىنان الىندى

جۇرت كۇتكەن «قازاق سايتتارى رەداكتورلارىنىڭ» كونفەرەنتسياسى باستالدى. «اباي-اقپارات» قوعامدىق قورىنىڭ ۇسىنىسى بويىنشا قولعا الىنعان بۇل جوبانى «نۇروتان» حالىقتىق دەموكراتيالىق پارتياسى، قازاقستان رەسپۋبليكاسى مادەنيەت جانە اقپارات مينيسترلىگى قۋانا قۇپتادى. سونىڭ ارقاسىندا  استانادا قازاق عالامتورشىلارىنىڭ تىزگىن ۇستارلارى باس قوسىپ، قازاق سايتتارىنىڭ الداعى باعىت-باعدارى جونىندە وي ءبولىسىپ وتىر.

«نۇر وتان» حدپ-نىڭ حاتشىسى ەرلان قاريننىڭ، يدەيا اۆتورى «اباي-اقپارات» قوعامدىق قورىنىڭ ۇيلەستىرۋشىسى ايدوس سارىمنىڭ العى سوزدەرى «قازاق سايتتارىنىڭ» ءوز ەلىمىزدەگى كوشباسشى اقپارات كوزدەرى ەكەندىگى جانە الداعى بولاشاقتا بۇل قىزمەتىن ءتىپتى دە جانداندىرا تۇسەتىندىگىنە ارنالدى.

«abai.kz» اقپاراتتىق پورتالىنىڭ باس رەداكتورى دارۋەن قۋات تىزگىن ۇستاعان كونفەرەنتسيانىڭ ءبىرىنشى ءبولىمى «قازاق ينتەرنەتىنىڭ دامۋى: ەرەكشەلىكتەرى، وزەكتى ماسەلەلەرىنە» ارنالدى.

قازاق سايتارىنىڭ الداعى بولاشاقتاعى باعىت-باعدارى جونىندە وي بولىسكەن مىرزالار مىنادا      ي تۇيىندەرگە توقتالدى: «قازاق سايتتارى» مەملەكەتقۇرۋشى قازاق ۇلتىنىڭ باسىن بىرىكتىرۋدەگى باستى قوزعاۋشى كۇش ياعني، قازاقستانداعى اقپاراتتىڭ ەڭ ءبىرىنشى يەسى.  سوندىقتان ولار وزدەرىنىڭ وسى جاۋاپشكەرشىلىگىن سەزىنە ءبىلۋى، سونىڭ ارقاسىندا ساليقالى تۇردە كاسىبي باسەكەلەستىكتى دامىتۋعا اتسالىسۋى كەرەك. سوندا عانا بولاشاقتا الەمدىك باسەكەگە قابىلەتتى قازاق سايتتارىنىڭ كوش كەرۋەنىن تۇزۋگە بولادى. سوندىقتان كونفەرەنتسيا سوڭىندا ارنايى قارار جوباسىن قابىلداپ، ونى عالامتور بەتتەرىندە تالقىلاۋ ارقىلى ورتاق پىكىرگە كەلۋگە ءتيىسپىز»، دەدى ايدوس مىرزا.

«قازكونتەنت» اق-نىڭ باسقارما توراعاسى ايدوس قىدىرمانىڭ، مادەنيەت جانە اقپارات مينيسترلىگىنىڭ وكىلى جانبولات وستەمىرۇلىنىڭ، baq.kz اقپارات پورتالىنىڭ باس رەداكتورى قامبار احمەتوۆتىڭ سوزدەرى قازاق سايتتارىنا مەملەكەتتىك قولداۋدىڭ كورسەتىلىپ جاتقانىن، سونىڭ ارقاسىندا كۇندەلىكتى اقپاراتتىق پورتالداردىڭ قازاقستانداعى كوشباسشى سايتتاردىڭ قاتارىنا قوسىلعاندىعىنا ارنالدى. قامبار احمەتوۆ الداعى كۇندە «baq.kz» اقپاراتتىق پورتالىنا توتە جازۋ بەتى قوسىلاتىندىعىن حابارلادى.

«WikiBilim» قوعامدىق قورىنىڭ وكىلى راۋان كەنجەحانۇلى عالامتوردا قازاقتىلدى اقپاراتتىڭ كۇن ساناپ كوبەيىپ كەلە جاتقانىن تىلگە تيەك ەتتى. مۇحيتتىڭ ار جاعىنان ءتىل قاتقان جاناربەك ماتاي قازاق سايتتارى بولاشاقتا كۇندەلىكتى قاجەتتىلىكتى قاناعاتتاندىرا الاتىن، سالالىق باعىتتارعا ىڭعايلاساق، نۇر ۇستىنە نۇر بولار ەدى دەگەن ۇسىنىستارىن ايتتى.

جيىن بارىسىندا كوتەرىلەتىن، تالقىعا تۇسەتىن وزگەدە ماسەلەلەردى مەيىلىنشە جەدەل تۇردە جاريالاپ وتىراتىن بولامىز.

Abai.kz

Мобильді қосымшаны жүктеп алыңыз!