ءماجىلىس دەپۋتاتى بەكبولات تىلەۋحان ءوز ەركىمەن مەرزىمىنەن بۇرىن قىزمەتتەن كەتتى.  كەتەر الدىندا «بىرەۋدى رەنجىتكەن بولسام كەشىرىم سۇرايمىن»، دەپ قوشتاستى. قىزمەتتەن كەتۋ سەبەبىن ول دەنساۋلىق جاعدايىنا بايلانىستى دەپ تۇسىندىرگەن. 

«نەگىزگى سەبەپتى جاسىرمايمىن، ول دەنساۋلىعىنا بايلانىستى. مەن ءبىراز دەمالعىم كەلەدى. 55 جاستان كەيىنگى كەيبىر نارسەلەر شىعا باستايدى، وسىعان بايلانىستى مەن كەشەندى ەم العىم كەلەدى»، - دەدى ەندىگى ەكس-دەپۋتات. 

بۇگىن ونىڭ بۇكىلالەمدىك ەتنوسپورت كونفەدەراتسياسىنىڭ ءبىرىنشى ۆيتسە-پرەزيدەنتى بولىپ تاعايىندالعانى دا بەلگىلى بولدى. 

ول تۋرالى ءماجىلىس توراعاسى ءماجىلىس توراعاسى نۇرلان نىعماتۋلين ءوز سوزىندە ايتتى. 

«بەكبولات قانايۇلىن بارشاڭىز جاقسى بىلەسىزدەر. ەلىمىزگە تانىمال تۇلعا. بۇگىن دە بەكبولات تىلەۋحانۇلىن بىلمەيتىن قازاق جوق جەسەك ارتىق بولمايدى. ول ساياساتتا بولسىن، ونەردە نەمەسە قوعامدىق ومىردە بولسىن، ۇلكەن ابىروي جيناپ كەلە جاتقان ازاماتتاردىڭ ءبىرى.

بىرنەشە شاقىرىلىمدا ءماجىلىس دەپۋتاتى بولدى. حالىققا قاجەتتى زاڭداردى قابىلداۋعا ىقپال ەتتى. اسىرەسە الەۋمەتتىك-مادەني دامۋ جولىندا بەكبولات قانايۇلىنىڭ ەڭبەگى زور.

ەندى مىنە، بۇكىلالەمدىك ەتنوسپورت كونفەدەراتسياسىنىڭ ءبىرىنشى ۆيتسە-پرەزيدەنتى بولىپ تاعايىندالدى. سوندىقتان ارىپتەسىمىزگە العىس بىلدىرە وتىرىپ، الداعى ۋاقىتتا دا زور دەنساۋلىق، جاڭا قىزمەتتە تابىس تىلەيمىز»، - دەدى ول.

بەكبولات تىلەۋحان  2020 جىلدىڭ 12 قاراشاسىندا بۇكىلالەمدىك ەتنوسپورت كونفەدەراتسياسى جانىنان قۇرىلعان ورتا ازيا كوميتەتىنىڭ تۇڭعىش توراعاسى بولىپ سايلانعان بولاتىن. كوميتەت قۇرامىنا ازيانىڭ 10 مەملەكەتى مۇشە.

بۇكىلالەمدىك ەتنوسپورت كونفەدەراتسياسىنىڭ پرەزيدەنتى تۇركيا پرەزيدەنتى رەجەپ ەردوعاننىڭ ۇلى نەدجمەددين ءبىلال.

Abai.kz