قازاقستاندىق سپورتشى، 2012 جىلعى لوندون وليمپياداسىنىڭ چەمپيونى، وليمپيادا جۇلدەلەرىنىڭ تولىق جيىنتىعىنىڭ يەگەرى ولگا رىپاكوۆا جانە بوكستان ۇلتتىق قۇرامانىڭ كاپيتانى، الەم چەمپيوناتىنىڭ ەكى دۇركىن جۇلدەگەرى قامشىبەك كوڭقاباەۆ وليمپيادا قۇراماسىنىڭ تۋ ۇستاۋشىلارى رەتىندە انىقتالدى. 

"توكيوداعى وليمپيادا ويىندارىنىڭ باستالۋىنا دا از ۋاقىت قالدى، بيىلعى وليمپيادا تاريحي بولىپ تابىلادى. قازاقستان ءوزىنىڭ ۇزدىك سپورتشىلارىن توكيوعا جىبەرۋگە دايىندالىپ جاتىر.

تۋدى الىپ شىعۋعا ەڭ لايىقتىلار تاڭدالدى. وليمپيادانىڭ اشىلۋىندا قازاقستاننىڭ تۋىن ولگا رىپاكوۆا الىپ شىعاتىنىنا وتە قۋانىشتىمىن، ويتكەنى ونىڭ ارقاسىندا تۋىمىز وليمپيادالىق ارەنالاردا بىرنەشە رەت كوتەرىلگەن.

قامشىبەك قوڭقاباەۆ - بۇل ءداستۇرلى تۇردە وليمپيادالىق رينگتە ەرەكشە جاۋاپكەرشىلىككە يە بوكس كومانداسىنىڭ كاپيتانى، قازاقستاندىق سپورتتىڭ كۇشى مەن شەبەرلىگىنىڭ تۇلعاسى. تۋدى الىپ شىعاتىن ەكى سپورتشىمىز دا ناعىز كوشباسشىلار، بالالار مەن جاستارعا ۇلگى. مەن ولارعا جانە بۇكىل وليمپيادا قۇراماسىنا سپورتتا ساتتىلىك تىلەيمىن", - دەدى قازاقستان ۇوك باسشىسى تيمۋر قۇلىباەۆ.

بۇل وليمپيادا ولگا ءۇشىن ءتورتىنشى، ال قامشىبەك ءۇشىن ءبىرىنشى.

Abai.kz