بەيسەنبى, 18 ءساۋىر 2024
ساڭلاق 1535 14 پىكىر 15 اقپان, 2024 ساعات 17:43

گولوۆكين قۇلىباەۆتىڭ ورنىن باسا ما؟

دەپۋتاتتاردىڭ فەدەراتسيالاردى قورشاۋعا العان وليگارحتاردىڭ سپورتقا پايداسى جوق دەگەن سىنىنان كەيىن ۇوك باسشىسىن سايلاۋ باستالدى. سايلاۋدا اتاقتى بوكسشى گەننادي گولوۆكين باستى ۇمىتكەر بولىپ وتىر.

داۋىس بەرۋ 26 اقپانعا جوسپارلانعان.

سونداي-اق، بۇل كۇنى ۇوك ۆيتسە-پرەزيدەنتتەرى سايلانادى. مۇندا ەشقانداي وزگەرىس جوسپارلانباعان دەسەدى. ماسەلەن، بۇرىنعى پرەمەر-مينيستر اسقار مامين قىسقى سپورت تۇرلەرى بويىنشا ۆيتسە-پرەزيدەنت بولىپ جايعاسسا، جازعى سپورت تۇرلەرى بويىنشا - دانيار ابىلعازين، ال حالىقارالىق ىنتىماقتاستىق ماسەلەلەرى جونىندەگى ۆيتسە-پرەزيدەنت اندرەي كريۋكوۆ بولۋى مۇمكىن.

سەرىك ساپيەۆتىڭ كانديداتۋراسى پاراليمپيادالىق سپورت تۇرلەرىن دامىتۋ جونىندەگى ۆيتسە-پرەزيدەنت لاۋازىمىنا، ال جانار وتەشەۆا ۇوك باس حاتشىسى لاۋازىمىنا ۇسىنىلاتىن بولادى.

گولوۆكين سايلانعان جاعدايدا مۇنداي ۆيتسە-پرەزيدەنتتەردىڭ جانىندا تاۋەلسىز تۇلعا بولا المايتىنى جانە وتاندىق وليمپيادالىق سپورتتاعى جاعدايدى تۇبەگەيلى وزگەرتە المايتىنى انىق.

ەسكە سالا وتسەك، داۋىس بەرۋ قورىتىندىسى بويىنشا قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىباەۆ 2023-2026 جىلدار كەزەڭىندە اوك ۆيتسە-پرەزيدەنتى لاۋازىمىنا قايتا سايلانعان بولاتىن.

ايتا كەتۋ كەرەك، تيمۋر قۇلىباەۆ 2015 جىلدان باستاپ اوك ورتالىق ازيا ايماعىنا توراعالىق ەتەدى، ال 2019 جىلى ارىپتەستەرىمەن قايتا سايلانعان بولاتىن. ول سونداي-اق ۇلتتىق وليمپيادالىق كوميتەتتەرى قاۋىمداستىعىنىڭ (ۇوكق) ۆيتسە-پرەزيدەنتى جانە حوك كوميسسياسىنىڭ مۇشەسى وليمپيادا 365 (Olympism 365).

داريعا ەرجانقىزى

Abai.kz

14 پىكىر