سەيسەنبى, 28 مامىر 2024
قارعىن سۋ: 1061 1 پىكىر 18 ءساۋىر, 2024 ساعات 14:35

ءىىم: قانشا ادام قازا تاپتى؟ ايماقتارداعى احۋال قانداي؟

ەلىمىزدىڭ ايماقتارىنداعى سۋ تاسقىنىنان 7 ادام قازا تاپتى. بۇل تۋرالى قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ءمالىم ەتتى. 

سەنات كۋلۋارىندا قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ سۋ تاسقىنى كەزىندە قازا تاپقان نەمەسە حابارسىز كەتكەن ادامدارعا قاتىستى قىلمىستىق ىستەر قوزعالعانىن ايتتى.

نەشە ادام قازا تاپتى؟ قر ءىىم نە دەيدى؟

ء"يا، وكىنىشكە قاراي مۇنداي جاعدايلار بولدى، باق-تا كوپ ايتىلدى. اباي وبلىسىندا ەكى ادام جوعالدى، اتىراۋ وبلىسىندا مايىتتەر تابىلعان. اباي وبلىسىندا ىزدەۋ شارالارى جالعاسىپ جاتىر", - دەدى كىشى مينيستر قوجاەۆ. 

ۆيتسە-ءمينيستردىڭ دەرەگىنشە، اباي وبلىسىندا 2 ادام جوعالىپ كەتكەن. اتىراۋ وبلىسىندا 4 ادام، تۇركىستان وبلىسىندا كىشكەنتاي بالا سۋعا باتىپ كەتكەن. اتالعان فاكتىلەر بويىنشا قىلمىستىق ءىس قوزعالعان جانە تەرگەۋ جۇرگىزىلىپ جاتىر.

وسىعان دەيىن قر توتەنشە جاعدايلار مينيسترلىگى اتىراۋ وبلىسى، قۇلسارى قالاسىندا تاسقىننان 4 ادامنىڭ قازا تاپقانىن ايتقان. اباي وبلىسىندا دا وزەن تاسىپ جاتقاندا حابار-وشارسىز كەتكەن 4 ادامعا ىزدەۋ جاريالانعانى ايتىلعان. اقتوبەدە دە قارعىن سۋعا باتىپ كەتتى دەگەن 2 ادامنىڭ مەرت بولعانى ايتىلعان. الايدا، جەرگىلىكتى بيلىك وكىلدەرى "مەرت بولعان 2 بالانىڭ اجالىنا تاسقىن سۋدىڭ قاتىسى جوق" دەپ تۇيىندەگەن.

سۋ تاسقىنى: ەلىمىزدەگى احۋال قانداي؟

قر تجم مەن رەسپۋبليكالىق شتابتىڭ بۇگىن تاراتقان رەسمي دەرەكتەرىنە سۇيەنسەك، ازاماتتىق قورعاۋ قىزمەتتەرى 117694 ادامدى, ونىڭ ىشىندە 43931 بالانى قۇتقاردى.

113852 اۋىل شارۋاشىلىعى جانۋارلارى قاۋىپسىزدىك جەرگە ايدالدى. 18651 ادام ۇيلەرىنە ورالدى. ەۆاكۋاتسيالاۋ پۋنكتتەرىندە 6887 ادام, ونىڭ ىشىندە 3166 بالا بار.

10,1 ملن. م3 استام ەرىگەن قار سۋى سورىلدى، 3,2 ملن. استام قاپشىق پەن 1,4 ملن. توننا ينەرتتى ماتەريال توسەلدى. 4216 تۇرعىن ءۇي مەن 2698 اۋلا اۋماعىنان سۋ بۇرىلدى.

 

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2392
ادەبيەت

«سولاي ەمەس پە؟»

عابباس قابىشۇلى 2721
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3110
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1792