قر دەنساۋلىق ساقتاۋ ءمينيسترى الەكسەي تسوي الماتى وبلىسىنا جۇمىس ساپارى بارىسىندا اۋىلدىق مەديتسينالىق مەكەمەلەردە كۆي-عا قارسى ۆاكتسينالاۋ بارىسىنىڭ ۇيىمداستىرىلۋىمەن تانىستى. بۇل تۋرالى inform.kz سايتى حابارلادى. 

ءبىرىنشى نىسان تالعار اۋدانى تالدىبۇلاق اۋىلىنىڭ دارىگەرلىك امبۋلاتورياسى بولدى، ول تىركەلگەن 8,5 مىڭنان استام حالىققا قىزمەت كورسەتەدى. ولاردىڭ جارتىسىنان كوبى ۆاكتسيناتسيالانۋى ءتيىس. مينيستر ادامداردىڭ كوپ جينالۋىنا جانە دەنساۋلىققا قاۋىپ توندىرۋگە جول بەرمەي، ۆاكتسيناتسيانىڭ جوسپارلى پروتسەسىن قامتاماسىز ەتۋ قاجەت ەكەندىگىن اتاپ ءوتتى.

الەكسەي تسوي سونداي-اق تالدىبۇلاق اۋىلىنداعى دارىگەرلىك امبۋلاتورياعا بارۋ اۋىل ازاماتتارى ءۇشىن مەديتسينالىق كومەكتىڭ قولجەتىمدىلىگىن، ۆاكتسيناتسيا كابينەتتەرىنىڭ، قاجەتتى تەمپەراتۋرانى ۇستاپ تۇراتىن تاسىمالداناتىن مۇزداتقىش كامەرالاردىڭ بار ەكەنىن اتاپ ءوتتى. ول مەديتسينالىق كومەك كورسەتۋدىڭ مۇنداي دەڭگەيى ىرىكتەلىپ ەمەس، وبلىستىڭ بارلىق اۋىلدىق ەلدى مەكەندەرىندە قامتاماسىز ەتىلۋى ءتيىس ەكەنىن اتاپ ءوتتى.

Abai.kz