بۇگىن، 2024 جىلدىڭ 4 مامىرىندا پرەمەر-مينيستر ولجاس بەكتەنوۆ ورمان قورىن كۇزەتۋ جانە قورعاۋ قىزمەتىن قۇرۋ تۋرالى قاۋلىعا قول قويدى، دەپ حابارلايدى Azattyq ruhy. 

جاڭادان پايدا بولعان رەسپۋبليكالىق ازاماتتىق قورعاۋ قىزمەتى ەكولوگيا جانە تابيعي رەسۋرستار مينيسترلىگى جانىنان قۇرىلعان. ول توتەنشە جاعداي كەزىندە،  سونىڭ ىشىندە ورمان ءورتىن سوندىرگەن كەزدە ورمان شارۋاشىلىعى مەكەمەلەرىنىڭ تيىمدىلىگىن ارتتىرۋعا مۇمكىندىك بەرەدى.

«ورمان قورىن كۇزەتۋ جانە قورعاۋ قىزمەتى مەملەكەتتىك ورگانداردىڭ الاپات ورمان ورتتەرىنە قارسى كۇرەس شارالارىن جاقسىراق ۇيلەستىرۋگە، ءتيىستى مەكەمەلەردى تەحنيكامەن جانە قۇرال-جابدىقتارمەن قامتاماسىز ەتۋگە، سونداي-اق تابيعي ورتتەردىڭ الدىن الۋ جانە ولاردى ءسوندىرۋ ءۇشىن بىلىكتى كادرلار قۇرامىن جاساقتاۋعا مۇمكىندىك بەرمەك»، - دەپ حابارلادى ۇكىمەتتىڭ رەسمي سايتى.

ەستەرىڭىزگە سالا كەتەيىك، اباي وبلىسىنداعى ورمان ءورتى 2023 جىلدىڭ 8 ماۋسىمدا تۇتانعان. بىر اپتا بويى ىرىق بەرمەگەن قىزىل جالىن 60 مىڭ گەكتار قاراعايلى القاپتى كۇلگە اينالدىردى. العاش بولىپ ءتىلسىز جاۋدى جالاڭ قولمەن اۋىزدىقتاۋعا اتتانعان 14 ورمانشى قازا تاپتى. كەيىن بەسقاراعاي اۋدانىنان ءورت سوندىرۋگە كەلگەن تراكتورشى دا تىرىدەي جانىپ كەتتى.قازاقستاندا ورمان قورىن كۇزەتۋ جانە قورعاۋ قىزمەتى قۇرىلدى.

Abai.kz