ىشكى ىستەر ءمينيسترى ەرلان تۇرعىمباەۆتىڭ ۇسىنۋىمەن الماتى اكادەمياسىنىڭ باستىعى، پوليتسيا پولكوۆنيگى ايدار سايتبەكوۆ شاكەن ايمانوۆ اتىنداعى "قازاقفيلم" كينوستۋدياسىنىڭ پرەزيدەنتى اقان ساتاەۆپەن اتالعان ستۋديادا الدا قولعا الىناتىن ىشكى ىستەر ورگاندارى قىزمەتكەرلەرى جايلى جوبالار توڭىرەگىندە پىكىر الماسىپ، ءوزارا ارىپتەستىك تۋرالى مەموراندۋمعا قول قويدى.

بولاشاق فيلم ەل قاۋىپسىزدىگى ءۇشىن باسىن قاتەرگە تىگىپ جۇرگەندەر مەن تاۋەلسىز ەلىمىزدىڭ پوليتسياسىنىڭ ابىرويىن كوتەرۋگە، جاعىمدى ءيميدجىن قالىپتاستىرۋعا ارنالماق. كينو-يدەولوگيا قۇرالى. مۇنى ەكى تاراپ تا ءتۇسىنىپ، قولداۋ كورسەتۋگە ىنتالى ەكەندەرىن ءبىلدىردى. وسى ماسەلەگە بايلانىستى "قازاقفيلم" اق ديرەكتورى اقان ساتاەۆ وزدەرىنىڭ ارىپتەستىككە دايىن ەكەنىن، قازاقستاندىق پوليتسيا ءيميدجىن كوتەرۋگە كينو ماماندارىنىڭ دا مۇددەلى ەكەنىن جەتكىزدى.

بولاشاقتا اكادەميادا وقىپ، ءبىلىم الىپ جۇرگەن كۋرسانتتاردىڭ ومىرىنەن كۋرسانتتىق ومىردەن گەنەرالدىق جەتىستىككە جەتكەن قازىرگى تاڭداعى ۇلگىلى قىزمەتكەرلەر، قىزمەتتە ەرلىك كورسەتكەن، ومىرلەرىن ەرلىكپەن قيعان قىزمەتكەرلەر جايىندا، سونداي-اق كۋرسانت تىڭداۋشىلاردىڭ ومىرىنەن كومەديا جانرىندا فيلمدەر ءتۇسىرۋ تۋرالى اڭگىمە ءوربىتتى.

- بىزدە پوليتسيا جۇمىسىن جاعىمسىز جاعىنان كورسەتۋ تەندەنتسياسى باسىم. ال، شىندىعىندا كۇن سايىن ءتارتىپ ساقشىلارى ومىرلەرىن قاتەرگە تىگىپ، ەرلىك كورسەتىپ جاتادى. ءتىپتى، تابيعاتتىڭ توسىن مىنەزىنە قارسى تۇرىپ، اقتۇتەك بوراندا جۇرگىزۋشىلەردى امان الىپ شىققان ينسپەكتوردىڭ ەرلىگىن وسى قىستا ەستىدىڭىزدەر عوي. ال،سونداي ەرلىك جاساعان تاعى دا ونداعان پوليتسيا وكىلدەرى بولدى. ولاردىڭ بارلىعىن بىردەي ەل ءبىلىپ جاتقان جوق. باسقا دا سالالاردا ايقايلاتپاي جاسالىپ جاتقان باتىرلىق جەتەدى. وسىنىڭ بارلىعى كينو شەبەرلەرىنىڭ قولىمەن كورەرمەنگە جەتسە دەيمىز، - دەدى ا.سايتبەكوۆ.

ەكى جاقتىڭ تالقىلاۋىنان كەيىن ءىىو نىڭ قىزمەتىندە وڭ يميدج تانىتاتىن جوبالاردىڭ جانرى انىقتالىپ، قارجى كوزدەرى قاراستىرىلاتىن بولدى. اتالعان مەمەراندۋم ۇلكەن جوبالالارعا باستالعان باسپالداق ەكەنى ءسوزسىز.

سونىمەن قاتار، كەزدەسۋ بارىسىندا عىلىم-ءبىلىم بەرۋ باعىتىن جۇزەگە اسىرۋ، ىشكى ىستەر قىزمەتكەرلەرى جۇمىسىنىڭ ەرەكشەلىگىن كورسەتەتىن كينوجوبالار جاساۋ جانە مادەنيەت سالاسىندا كاسىبي ىنتىماقتاستىقتى دامىتۋ ماسەلەلەرى تالقىلاندى.

كەزدەسۋ سوڭىندا ءىىم وكىلدەرى Dolby دىبىس جازۋ ستۋدياسىنا جانە مونتاجداۋ بولىمدەرىنە بارىپ، رەجيسسەر دارەجان ومىرباەۆتىڭ «اقىن» ءفيلمىن دىبىستاۋ جۇمىسىمەن تانىسىپ، ەرەكشە اسەردە قالعاندارىن ايتتى.

تۇپنۇسقا: Abai.kz