2020-دا قازاقستانداعى بولعان بەبي بۋمعا كوبىسى كارانتيننىڭ ارقاسى دەپ جاتتى. مەنىڭشە كارانتيننىڭ تۇك قاتىسى جوق. بۇل اسپ-نىڭ ارقاسى. كارانتينگە ءبىز ءساۋىر ايىندا كەتتىك. تەوريالىق تۇرعىدا دا ۇلگەرۋ قيىن. بىراق كوپبالالى وتباسىلارعا بەرىلەتىن اقشا بۇرىنعىدان ارتقان سوڭ بالالار سانى كوبەيگەن سەكىلدى. مەنىڭ جەلتوقسان ايىندا تۋىلعان الدە تۇعان تانىستارىمنىڭ بالالارى جوق. ەسەسىنە جاز ايىندا جۇرت جاپپاي كوروناۆيرۋس جۇقتىرعاندا 2 تانىسىمنىڭ ايەلدەرى بالالارىن تاستاپ قويدى. ەگەر دە كوروناۆيرۋس بولماعاندا 2020-دا تۋىلعان بالالار بۇدان دا كوپ بولۋى ابدەن مۇمكىن ەدى.

اقشاعا بولا بالا كوتەرەدى ما دەيتىندەرگە يا دەپ ايتا الامىن. اسىرەسە اۋىل جاقتا سول بالالارعا بەرىلەتىن پوسوبيانىڭ اقشاسىمەن كۇن كورەتىندەر دا بار. اۋىلدا ماگازيندە ساۋدا 2 كەزدە قاينايتىن. مۇعالىمدەر ايلىق العاندا جانە پەنسيا مەن پوسوبيا تۇسكەن كەزدە. ەۋروپادا اقشا ءۇشىن بالا بوسانباسا دا كەدەي ەلدەر ءۇشىن بۇل قالىپتى جاعداي سياقتى. جالپى پاتەردەن پاتەرگە كوشىپ جۇرگەن جاستاردان بالا تالاپ ەتۋ دە قاتە. ارى قاراي دا حالىقتىڭ سانىن كوبەيتۋ ءۇشىن 29-عا دەيىنگى جاستار اراسىندا 3 بالاسى بارلاردىڭ يپوتەكالارىنىڭ 25%-ىن قىسقارتسا، 4 بالاسى بارلاردىڭ 50%-ىن قىسقارتسا بۇدان دا كوپ بالا تۋىلاتىن سياقتى.

ءسابيت رىسباەۆ

Abai.kz