كۇنى كەشە جامبىل وبلىسىنىڭ اكىمى بەردىبەك ساپارباەۆ كوروناۆيرۋسقا قارسى قازاقستاندىق QazCovid-in ۆاكتسيناسىن قابىلداعانىن مالىمدەدى.

ۆاكتسيناتسيا كلينيكالىق زەرتتەۋلەردەن تىس ەرىكتى تۇردە ەگىلگەن.

- الەمدىك ساراپشىلار قاۋىپسىز جانە ءتيىمدى ۆاكتسينانى جاساۋ مەن ءوندىرۋدى جەدەلدەتۋ ءۇشىن كوپ جۇمىس ىستەۋدە. قورداي اۋدانىندا ورنالاسقان بيولوگيالىق قاۋىپسىزدىك ماسەلەلەرى عزي-ى ءوزىمىزدىڭ قازاقستاندىق ۆاكتسينامىزدى دا ازىرلەدى. ەرىكتىلەرگە ارنالعان كلينيكالىق زەرتتەۋلەردىڭ العاشقى ەكى كەزەڭى ءساتتى ءوتتى، ولاردا جاقسى ناتيجە كورسەتتى جانە جاناما اسەرلەر بولعان جوق. قازىرگى تاڭدا تارازدا كلينيكالىق زەرتتەۋلەردىڭ ءۇشىنشى كەزەڭى جۇرۋدە. قازاقستاندىق ۆاكتسينا وڭ ناتيجە كورسەتىپ، جاپپاي قولدانۋعا ۇسىنىلادى دەپ ۇمىتتەنەمىن، - دەدى بەردىبەك ساپارباەۆ.

الايدا الەۋمەتتىك جەلىدە ساپارباەۆتىڭ ۆاكتسينا سالدىرعان سۋرەتىندە ءشپريتستىڭ قاقپاعى الىنباعانىن ايتىپ، مىناداي پىكىرلەر تاراعان:

ال، بۇگىن جامبىل وبلىسىنىڭ اكىمدىگى ساپارباەۆتىڭ ۆاكتسينا سالدىرعانى راس دەپ مالىمدەدى. قاجەت بولسا، فوتوسۋرەتتەردىڭ تۇپنۇسقاسىن ۇسىناتىندارىن ايتىپتى.

«كەيبىر جەلى قولدانۋشىلارى جامبىل وبلىسى اكىمى بەردىبەك ساپارباەۆقا كوروناۆيرۋسقا قارسى سالىنعان ەكپە ءشپريتسى جابىق، ياعني قالپاعى بولعان دەپ كۇمان كەلتىرگەن ەدى.

ارنايى وسى ازاماتتار ءۇشىن باسقا دا ينە انىق كورىنەتىن ساپالى سۋرەتتەردى جاريالاپ، فوتو-كوللاج ازىرلەدىك. ارينە، مۇنى فوتوشوپپەن جاسالعان دۇنيە دەپ ايتاتىندار تابىلار. قاجەت بولسا، فوتوسۋرەتتەردىڭ تۇپنۇسقاسىن ۇسىنۋعا ءازىرمىز»،- دەدى ايماق اكىمدىگى.

ايتا كەتەيىك، QazCovid-in ۆاكتسيناسى قازاقستاندا 21 جەلتوقساننان باستاپ ءۇش مىڭ ەرىكتىگە سالىنا باستادى.

Abai.kz