الماتىدا قىركۇيەك ايىندا مەكتەپ وقۋشىلارى اراسىندا كوروناۆيرۋستىڭ 7 جاعدايى تىركەلدى. بۇل تۋرالى الماتى قالاسىنىڭ باس سانيتار دارىگەرى جانداربەك بەكشيننىڭ مالىمدەمەسىندە ايتىلدى.

«ولاردىڭ بارلىعى قاشىقتان وقىتۋ كەزىندە اۋرۋعا شالدىققان. بالالار ءبىر-بىرىمەن تىكەلەي قاتىناستا بولعاندىعى انىقتالدى. ەپيدەميولوگيالىق تەرگەۋ ناتيجەسىندە 4 وقۋشىنىڭ ينفەكتسيانى اۋرۋ تۋىستارىنان جۇقتىرعانى انىقتالدى. 2 وقۋشى مەديتسينالىق مەكەمەلەرگە جرۆي بەلگىلەرىمەن بارعان كەزدە انىقتالدى. 1 وقۋشى - برونح دەمىكپەسىنەن ساناتوري-كۋرورتتىق ەمدەلۋ الدىندا پروفيلاكتيكالىق تەكسەرۋدەن وتەر كەزدە تابىلدى»، - دەلىنگەن مالىمدەمەدە.

ال، مەكتەپكە دەيىنگى بالالار اراسىندا كوروناۆيرۋس اۋرۋى بولعان جوق.

مەكتەپ وقۋشىلارى مەن الماتى قالاسى تۇرعىندارى اراسىندا كوروناۆيرۋستىڭ تارالۋىن بولدىرماۋ ءۇشىن مەكتەپ وقۋشىلارى ءۇشىن قاشىقتىقتان وقىتۋ فورماتى ەنگىزىلدى. سونىمەن قاتار اتا-انالارى قاداعالاۋعا مۇمكىندىگى جوق بالالار ءۇشىن 178 مەكتەپتە 11942 وقۋشىعا ارنالعان 917 كەزەكشى سىنىپ اشىلدى. مۇندا بارلىق پروفيلاكتيكالىق ءىس-شارالاردى ساقتاي وتىرىپ ءبىلىم الۋعا جاعداي جاسالدى (9,8% باستاۋىش سىنىپ وقۋشىلارى).

سونداي-اق، وقۋشىلار سانى از 10 مەكتەپ پەن 8 مەكتەپ-ينتەرنات قالىپتى رەجيمدە جۇمىس ىستەپ جاتىر. وقۋ باستالعانعا دەيىن ارنايى موبيلدىك توپتار ءبىلىم بەرۋ وبەكتىلەرىنە دايىندىق اكتىلەرى بەرىلدى. تەكسەرۋلەر كەزىندە انىقتالعان كارانتيندىك رەجيمنىڭ بۇزىلۋىمەن بايلانىستى كەمشىلىكتەر، ساباق باستالعانعا دەيىن جويىلدى.

Abai.kz