الماتىداعى تەاترلار 6 قازاننان باستاپ جۇمىسىنا قايتا ورالۋى مۇمكىن. بۇل تۋرالى قالانىڭ باس مەملەكەتتىك سانيتارلىق دارىگەرىنىڭ قاۋلىسىندا ايتىلعان. ال، قازاقستاننىڭ باسقا قالالارىندا تەاترلارعا 17 قىركۇيەكتە جۇمىس ىستەۋگە رۇقسات ەتىلدى.

قاۋلىعا سايكەس، تەاترلاردا وتىرۋ ورىندارىنىڭ تولۋى 50% اسپاۋى ءتيىس.

«مادەني نىسانداردا الەۋمەتتىك اراقاشىقتىق ساقتالۋى مىندەتتى. سونداي-اق، سانيتارلىق-دەزينفەكتسيالىق رەجيم، جەلدەتۋ جانە اۋانى باپتاۋ جۇيەلەرى ۇزدىكسىز جۇمىس ىستەپ تۇرۋى كەرەك. وعان قوسا، اۋانى ساۋلەلەندىرۋ (كۆارتس) ۇسىنىلادى», - دەلىنگەن الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشيننىڭ كوروناۆيرۋس ينفەكتسياسىن الدىن-الۋ جونىندەگى جاڭا قاۋلىسىندا.

قۇجات 6 قازاندا ساعات 00:00-دە كۇشىنە ەنەدى.

ايتا كەتەيىك، الماتىدا ءدامحانالاردىڭ، كولىك جۋ ورىندارىنىڭ، كولىككە تەحنيكالىق قىزمەت كورسەتۋ ستانتسيالارىنىڭ، جالپى اداممەن بايلانىسسىز جۇمىس ىستەيتىن نىسانداردىڭ جۇمىس ۋاقىتى ۇزارتىلدى.

Abai.kz