17 تامىزدا باستالعان دەموكراتتار سەزىندە وسىنداي شەشىم قابىلداندى. سەزد كوروناۆيرۋس ىندەتىنە بايلانىستى ەنگىزىلگەن شەكتەۋلەردىڭ كەسىرىنەن ونلاين تۇرىندە ءوتتى.
بايدەندى ۇمىتكەر رەتىندە بەكىتۋدىڭ رەسمي سيپاتى عانا بار، بىرنەشە اي بۇرىن باستاپقى سايلاۋلاردا جەڭگەن بايدەننىڭ كانديدات اتاناتىنىنا ەشكىمنىڭ كۇمانى قالماعان ەدى. ول دەلەگاتتارعا العىس ايتىپ "[ۇمىتكەر اتانۋ] مەن جانە وتباسىم ءۇشىن وتە ۇلكەن مانگە يە" دەدى.
دەموكراتتار سەزىندە بۇرىنعى پرەزيدەنت بيلل كلينتون سويلەدى. ول پرەزيدەنت دونالد ترامپ اكىمشىلىگىنىڭ ىندەتپەن كۇرەس ستراتەگياسىن سىناپ، پرەزيدەنت كابينەتىنىڭ جۇيەسىز ارەكەت ەتىپ وتىرعانىن ايتتى. سەزدە بۇرىنعى مەملەكەتتىك حاتشى كولين پاۋەلل دا سويلەدى. ول بايدەندى قولداعان رەسپۋبليكاشىلدار قاتارىن تولىقتىردى.
دەموكراتتار سەزى ءوتىپ جاتقان شاقتا كوشى-قون ماسەلەلەرى بويىنشا اريزونا شتاتىنا بارعان پرەزيدەنت دونالد ترامپ بايدەن بيلىككە كەلسە "الەمدە بۇرىن-سوڭدى بولماعان زاڭسىز يمميگرانتتار تولقىنى پايدا بولادى" دەدى.
اقش-تا پرەزيدەنت سايلاۋى 2020 جىلى قاراشا ايىندا وتەدى.
Abai.kz
