وتكەن ايدىڭ سوڭىندا وليگراح اليشەر ۋسمانوۆ وزبەكستانداعى جەدەل قىزمەتكەرلەرىنە دەپ 100 ملرد سۋم (10 ملن دوللار) قارجى بولگەن.

ۇكىمەت شەشىمىنە سايكەس، دارىگەرلەرگە 5 ملن سۋم (500 دوللار), مەديتسينالىق قىزمەتكەرلەرگە 4 ملن سۋم (400 دوللار), ال جۇرگىزۋشىلەرگە 3 ملن سۋم (300 دوللار) كولەمىندە ۇستەماقى تولەنۋى ءتيىس بولعان.

ازاتتىقتىڭ وزبەك قىزمەتىنە (وزودليك) وزبەكستاننىڭ ءار ايماعىنان قايرىلعان جەدەل جاردەم قىزمەتكەرلەرى ۇستەماقى رەتىندە الۋى ءتيىس 150 مىڭنان 2 ملن سۋم كولەمىندەگى قاراجاتتى الماعانىن ايتادى.

"COVID-19 ۆيرۋسىمەن كۇرەسىپ جاتقان مەديتسينالىق قىزمەتكەرلەرگە سىياقى تولىق تولەنبەدى. باسشىلىق تەك ارقايسىمىزعا 200 دوللار شاماسىندا اقشا ءبولدى. كەيبىرى 100 دوللاردان عانا الدى", – دەيدى جەدەل جاردەم قىزمەتكەرلەرى.

ءدال وسىنداي ارىزبەن بۇحارا وبلىسى قاراكول اۋدانى، نامانگان وبلىسى چۋست اۋدانى، قاشقاداريا جانە فەرعانا وبلىسى مەن ناۆوي قالاسىنىڭ جادەل جاردەم قىزمەتكەرلەرى دە قايرىلدى.

دەنساۋلىق ساقتاۋ مينيسترلىگىنىڭ شەنەۋنىگى بولسا قارجىنىڭ تازا بولىنگەنىن ايتادى. "بۇعان قاتىستى بارلىق اقپارات مينيسترلىكتىڭ Telegram-كانالىندا بار", - دەدى مەكەمە وكىلى.

Abai.kz