وتكەن اپتادا اي̆گىلى كرەمني̆ القابىنا ارناي̆ى بارىپ، كاليفورنيا شتاتىنىڭ عانا ەمەس، تۇتاس امەريكانىڭ، جالپى الەمنىڭ ەڭ ۇزدىك وقۋ ورنى ستەنفورد ۋنيۆەرسيتەتىنىڭ تىنىس-تىرشىلىگىمەن تانىسىپ قاي̆تتىم.

كارانتين بولعاندىقتان، كوپ سالاسىن ەگجەي̆-تەگجەي̆لى زەرتتەي̆ المادىم. بىراق، كورگەندەرىم مەن تۇي̆گەندەرىم تاقىرىپتا كەلتىرىلگەندەي̆ وي̆عا كەلۋىمە تۇرتكى بولدى.

ەڭ ءبىرىنشى، بىزدەگى جوو-لارداعى ءبىلىم بەرۋ جۇي̆ەسىن ينستيتۋتسيونالداۋ كەرەك. ياعني، «اناۋ مۇعالىم جۇمىسسىز قالادى، مىناۋ پروفەسسور ساعاتسىز قالادى» دەگەن كوڭىلجىقپاستىقپەن قازىرگى زامان تالابىنا ساي̆كەس كەلمەي̆تىن پاندەردى سۇي̆رەلەپ، ستۋدەنتتەردىڭ دە، ءبىلىم جۇي̆ەسىنىڭ دە وبالىنا قالۋدىڭ قاجەتى جوق. ەگەر، «ۇي̆رەتەتىن نارسەسىن زاماناۋي قالىپقا يكەمدەي̆ الماسا، ءوز وبالدارى وزدەرىنە» پوزيتسياسىن ۇستانۋ قاجەت.

ەكىنشىدەن، كەز-كەلگەن ماماندىق يەلەرىن تەوريالىق ەمەس، تاجىريبەلىك جوبا جاساۋعا ۇي̆رەتۋ كەرەك (تەورياعا توياتىن ۋاقىت بولدى عوي̆).

وسىدان كەلىپ شىعاتىن ءۇشىنشى قادام - جاسالعان جوبالاردى وندىرىستىك اي̆نالىم مەن نارىققا جىبەرۋدى قولعا الۋ كەرەك. ياعني، بيزنەس مەن عىلىم وردالارىنىڭ اراسىن جاقىنداتۋعا ارەكەتتەر جاسالۋى قاجەت.

وسىدان شىعاتىن ءتورتىنشى قادام - جوو-لار «ءدارىس وقۋ - تەك عالىمدار ءۇشىن» پرينتسيپىنەن ارىلۋى قاجەت. ءومىر بوي̆ى كىتاپحانا، كافەدرا مەن اۋديتوريادان باسقا ەشتەڭە كورمەگەن عالىمدار - جاقسى تەوريالىق ءبىلىم بەرۋى مۇمكىن. الاي̆دا، بىزگە ءدال قازىر پراكتيكالىق ءبىلىم اۋاداي̆ قاجەت. ياعني، ءار سالاعا ءدارىس وقۋعا سول سالادا تابىستى ەڭبەك ەتىپ جۇرگەن مامانداردى تارتۋ قاجەت (عىلىمي اتاعى بولماسا دا). سوندا عانا - ول وقۋ ورنىندا وقىپ جاتقان ستۋدەنتتەر ءوز سالاسىندا بوپ جاتقان جاڭالىقتار مەن پروتسەستەرمەن رەالي جاعداي̆دا تانىس بولادى. كوپ جاعداي̆دا، پروفەسسوردىڭ كەرەمەت دارىسىنەن گورى، ناقتى ماماننىڭ جاساعان قاتەلىگى تۋرالى اي̆تقان اڭگىمەسى كوبىرەك پاي̆دالى بولادى.

ارينە، كۇنى ەرتەڭ ءبىزدىڭ جوو-نىڭ ءبارى ستەنفورد، گارۆارد، وكسفورد بولىپ كەتپەي̆تىنى انىق. الاي̆دا، تەك قاتىرما قاعاز بەرەتىن مەكەمە ەمەس، راسىندا قوعامعا پاي̆دالى مامان داي̆ىنداي̆تىن وقۋ ورنى بولامىن دەسە، قالاي̆دا رەفورما جاساۋعا قازىردەن كوشۋ كەرەك.

نۇراددين سادىقوۆتىڭ الەۋمەتتىك جەلىدەگى جازباسى

Abai.kz