جەكسەنبى, 29 قاراشا 2020
COVID-19 قازاقستاندا. جۇقتىرعاندار — 130865. جازىلعاندار — 116187. قايتىس بولعاندار — 1990
8146 9 پىكىر 22 مامىر, 2020 ساعات 16:27

بەيسەن قۇرانبەك اتىندا «جىگەر» سىيلىعى تاعايىندالدى

قر اقپارات جانە قوعامدىق دامۋ مينيسترلىگى جۋرناليست بەيسەن قۇرانبەك اتىنداعى «جىگەر» سىيلىعىن تاعايىندادى. بۇل تۋرالى مينيسترلىكتىڭ تەلەگرام كانالىندا ءمالىم بولدى. 

«جىگەر» سىيلىعى - جۋرناليستيكا سالاسىنداعى ۇلتتىق سىيلىق بولماق.

«اتالعان سىيلىقتى تاعايىنداۋداعى باستى ماقسات - ارداقتى ازامات، ەلىمىزگە بەلگىلى تەلەجۋرناليست بەيسەن قۇرانبەكتىڭ ەسىمىن ماڭگىلىككە ساقتاپ قالۋ جانە تالانتتى جاس جۋرناليستەردى تانۋ، ولاردىڭ كاسىبي جاعىنان ودان ءارى دامۋىنا جاردەم بەرۋ»، - دەپ جازىلىپتى رەسمي اقپاراتتا.

سىيلىق 4 نوميناتسيا بويىنشا بەرىلەدى.

- الەۋمەتتىك تاقىرىپتاعى ۇزدىك تۆ سيۋجەت;

- الەۋمەتتىك تاقىرىپتاعى ۇزدىك ماقالا;

- الەۋمەتتىك تاقىرىپتاعى ۇزدىك ماتەريال (الەۋمەتتىك جەلى);

- الەۋمەتتىك تاقىرىپتاعى ۇزدىك فوتوسۋرەت.

بۇل بايقاۋعا تەلەۆيزيا، باسپا، ينتەرنەت جۋرناليستيكانىڭ جانە فوتوسۋرەتشىلەر مەن جاڭا مەديا (الەۋمەتتىك جەلىلەر) سالانىڭ كاسىبي جانە كاسىبي ەمەس جاس جۋرناليستەرى (18-35 جاس ارالىعى) قاتىسىپ، باعىن سىناي الادى.

بايقاۋ ۇزدىكتەرىن ارنايى قۇرىلعان قازىلار القاسىنىڭ مۇشەلەرى ايقىندايتىن بولادى. قازىلار القاسىنىڭ قۇرامىنا ەلىمىزدە اقپارات سالاسىنىڭ دامۋىنا ەلەۋلى ۇلەس قوسقان تانىمال مەديامەنەدجەرلەر، جۋرناليستەر، قوعام قايراتكەرلەرى كىرەدى.

«جىگەر» سىيلىعىنا ءوتىنىش 2020 جىلدىڭ 26 مامىر مەن 15 ماۋسىم ارالىعىندا «mdq.kz» سايتىندا قابىلدانادى. سىيلىققا قاتىستى تولىق اقپاراتتى (قاتىسۋ ەرەجەسىن) «مەديا دامىتۋ قورى» كورپوراتيۆتىك قورىنىڭ رەسمي سايتىنان الا الاسىز.

ال سالتاناتتى ماراپاتتاۋ ءراسىمى تۋرالى اقپارات جۋرناليستەردىڭ كاسىبي مەرەكەسى قارساڭىندا حابارلانادى.

ەسكە سالساق، 18 مامىردا بەلگىلى جۋرناليست بەيسەن قۇرانبەك 49 جاسقا قاراعان شاعىندا دۇنيەدەن ءوتتى.

Abai.kz

9 پىكىر