Senbi, 26 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
6129 9 pikir 22 Mamır, 2020 sağat 16:27

Beysen Qwranbek atında «Jiger» sıylığı tağayındaldı

QR Aqparat jäne qoğamdıq damu ministrligi jurnalist Beysen Qwranbek atındağı «Jiger» sıylığın tağayındadı. Bwl turalı ministrliktiñ telegram kanalında mälim boldı. 

«Jiger» sıylığı - jurnalistika salasındağı Wlttıq sıylıq bolmaq.

«Atalğan sıylıqtı tağayındaudağı bastı maqsat - ardaqtı azamat, elimizge belgili telejurnalist Beysen Qwranbektiñ esimin mäñgilikke saqtap qalu jäne talanttı jas jurnalisterdi tanu, olardıñ käsibi jağınan odan äri damuına järdem beru», - dep jazılıptı resmi aqparatta.

Sıylıq 4 nominaciya boyınşa beriledi.

- Äleumettik taqırıptağı üzdik TV syujet;

- Äleumettik taqırıptağı üzdik maqala;

- Äleumettik taqırıptağı üzdik material (äleumettik jeli);

- Äleumettik taqırıptağı üzdik fotosuret.

Bwl bayqauğa televiziya, baspa, internet jurnalistikanıñ jäne fotosuretşiler men jaña media (äleumettik jeliler) salanıñ käsibi jäne käsibi emes jas jurnalisteri (18-35 jas aralığı) qatısıp, bağın sınay aladı.

Bayqau üzdikterin arnayı qwrılğan qazılar alqasınıñ müşeleri ayqındaytın boladı. Qazılar alqasınıñ qwramına elimizde aqparat salasınıñ damuına eleuli üles qosqan tanımal mediamenedjerler, jurnalister, qoğam qayratkerleri kiredi.

«Jiger» sıylığına ötiniş 2020 jıldıñ 26 mamır men 15 mausım aralığında «mdq.kz» saytında qabıldanadı. Sıylıqqa qatıstı tolıq aqparattı (qatısu erejesin) «Media damıtu qorı» korporativtik qorınıñ resmi saytınan ala alasız.

Al saltanattı marapattau räsimi turalı aqparat jurnalisterdiñ käsibi merekesi qarsañında habarlanadı.

Eske salsaq, 18 mamırda belgili jurnalist Beysen Qwranbek 49 jasqa qarağan şağında dünieden ötti.

Abai.kz

9 pikir