بۇگىن قىزىلوردا وبلىسىندا حالىقارالىق تاۋەلسىز مەملەكەتتەر دوستاستىعى مەملەكەتتەرى اراسىنداعى ەلەكتروەنەرگەتيكا سالاسى بويىنشا 10/0,4 كۆ تاراتۋ توراپتارىن جوندەۋ مەن قىزمەت كورسەتۋ بريگادالارى پەرسونالىنىڭ كاسىبي شەبەرلىگى جارىسى باستالدى. سايىستىڭ اشىلۋ شاراسىنا قر ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتى توراعاسىنىڭ ورىنباسارى ا.شاڭعىتباەۆ، قازاقستاننىڭ ەنەرگەتيكا ارداگەرلەرى كەڭەسىنىڭ توراعاسى س.نۇرپەيىسوۆ جانە قىزىلوردا وبلىسىنىڭ اكىمى ق.ىسقاقوۆ قاتىستى.

جارىسقا 7 مەملەكەتتىڭ وكىلدەرى قاتىسۋدا. ونىڭ ىشىندە  -  رۋمىنيا، رەسەي، بەلارۋس، قىرعىستان، وزبەكستان، ءازىربايجان، تاجىكستان بار.

سايىستىڭ اشىلۋ سالتاناتىندا وبلىس اكىمى قۋانىشبەك ىسقاقوۆ شارا قوناقتارىن قۇتتىقتاپ، ساتىلىك تىلەدى.

«قىزىلوردا وبلىسى – تۇڭعيىق تاريح پەن جارقىن كەلەشەكتىڭ مەكەنى.  سىر ەلى - شىعىس وركەنيەتى ورتالىقتارىنىڭ ءبىرى، ادامزاتتىڭ  عارىشقا العاش ساپارى دا وسى ايماقتان  باستاۋ العان. تمد ەلدەرىنىڭ ەلەكتروتەحنيكا جانە ەلەكترونيكا بويىنشا جۇمىسشىلارىنىڭ XVI حالىقارالىق سايىسى ءبىزدىڭ وبلىستا جالعاسىن تابۋدا. قازاقستان رەسپۋبليكاسىنىڭ ەنەرگەتيكا مينيسترلىگىنە جانە قازاقستان رەسپۋبليكاسىنىڭ ەلەكتر ەنەرگەتيكاسى قاۋىمداستىعىنا وبلىس ماماندارىنىڭ بىلىكتىلىگىن ارتتىرۋدا رەسپۋبليكالىق دەڭگەيدەگى شارانىڭ ايماعىمىزدا وتكىزۋىنە ىقپال جاساعانى ءۇشىن العىس ايتامىز. ەنەرگەتيكا سالاسى قاشان دا ايماق ەكونوميكاسىندا ماڭىزدى ءرول اتقارادى»،-دەدى ايماق باسشىسى.

سايىستىڭ ءبىرىنشى كۇنىندە تانىستىرىلىم-كورمە ۇيىمداستىرىلىپ، اشىلۋ سالتاناتى كونتسەرتتىك باعدارلامامەن جالعاستى.

ەسكە سالايىق، وبلىس اكىمدىگى ەنەرگەتيكالىق كونسورتسيۋم قۇرىپ، ايماقتىڭ ەنەرگەتيكالىق سالاسىن دامىتۋ تۇجىرىمداماسىن ازىرلەپ، بەكىتكەن بولاتىن. كونسورتسيۋمنىڭ كەلىسىلگەن جۇمىسىنىڭ ناتيجەسىندە ءوڭىردىڭ ەنەرگەتيكالىق كاسىپورىندارى اراسىنداعى ءوزارا ارەكەتتەسۋ تيىمدىلىگى ارتتى.

سوڭعى 6 جىلدا وبلىستا 300 استام ەلەكتر جەلىلەرى، سونداي-اق، شامامەن 90 قوسالقى ستانتسيا جاڭارتىلدى. بۇل ءوز كەزەگىندە تۇتىنۋشىلاردى ساپالى ەلەكترمەن قامتاماسىز ەتۋگە جانە جەلىلەردەگى شىعىنداردى ازايتۋعا مۇمكىندىك بەردى.

سايىسقا قاتىسۋشىلار جوعارى كاسىبي شەبەرلىك پەن العا قويعان ماقساتتارىنا جەتۋدە تاباندىلىق تانىتا وتىرىپ، مول تاجىريبە جيناقتايدى.

ايتا كەتەيىك، اتالمىش سايىس بيىل 16-رەت وتكىزىلىپ، اعىمداعى جىلدىڭ 20-24 قىركۇيەك ارالىعىن قامتيدى. 25 قىركۇيەكتە جارىس قوناقتارى بايقوڭىر  عارىش ايلاعىنان زىمىراننىڭ ۇشۋىن تاماشالايدى دەپ كۇتىلۋدە.

Abai.kz