سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
2133 0 پىكىر 31 تامىز, 2019 ساعات 01:35

قىزىلوردادا وتىرىپ ويناۋ ۆولەيبولىنان ەل چەمپيوناتى باستالدى

قىزىلوردا قالاسىنداعى "مۇز ايدىنى" سپورت كەشەنىندە تىرەك-قيمىل اپپاراتى زاقىمدانعان سپورتشىلار اراسىندا وتىرىپ ويناۋ ۆولەيبولىنان ەل چەمپيوناتى جالاۋىن كوتەردى، - دەپ حابارلايدى اباي-اقپارات.

ايتۋلى باسەكە ءۇش كۇنگە سوزىلادى. بۇعان شىمكەنت قالاسى، اتىراۋ، اقتوبە، باتىس قازاقستان، جامبىل جəنە قىزىلوردا وبلىستارىنان 6 كوماندا قاتىسۋدا.

جارىستىڭ سالتاناتتى اشىلۋىنا وبلىستىق دەنە شىنىقتىرۋ جəنە سپورت باسقارماسىنىڭ باسشىسى ولجاس اكيموۆ قاتىسىپ، قاتىسۋشى كوماندالارعا سəتتىلىك تىلەدى.

بۇل دودا كەلەر جىلى امەريكادا وتەتىن Əلەم كۋبوگىنا ىرىكتەۋ جارىسى بولىپ تابىلادى. سونداي-اق، حالىقارالىق جارىس ارقىلى پاراليمپيادا ويىندارىنا قاتىساتىن قۇراما كوماندا جاساقتالادى.

ەل چەمپيوناتىنىڭ العاشقى كۇنىندە قىزىلوردا كومانداسى اقتوبە سپورتشىلارىن 3:0 ەسەبىمەن جەڭدى.

قىزىلوردادا قاڭتار ايىندا وبلىس تاريحىندا العاشقى رەت مۇگەدەكتەرگە ارنالعان سپورت كلۋبى اشىلعان ەدى. كلۋبتا 350-دەي سپورتشى سپورتتىڭ 15 تۇرىمەن شۇعىلدانادى. جىل باسىنان بەرى كلۋب سپورتشىلارى قر چەمپيوناتتارىنا قاتىسىپ، 24 مەدال جەڭىپ السا، 4 قر حالىقارالىق دəرەجەدەگى سپورت شەبەرى دايىندالدى.

ونىڭ ىشىندە وتىرىپ ويناۋ ۆولەيبولىنان 4 سپورتشى قازاقستان قۇراما ساپىنا ەندى. وتىرىپ ويناۋ ۆولەيبولىنان وبلىس كومانداسى قر كۋبوگىنىڭ 2 مəرتە يەگەرى اتانسا، قر چەمپيوناتىنىڭ بىرنەشە مəرتە جۇلدەگەرى بولدى. بيىلعى جىلى بانگكوك قالاسىنداعى ازيا چەمپيوناتىندا جەرلەستەرىمىز ەريك قاسقاباەۆ پەن شىڭعىس مەدەۋوۆ قازاقستان قۇراما كوماندا ساپىندا ونەر كورسەتىپ، قولا جۇلدەنى يەلەندى.

Abai.kz

0 پىكىر