سىر وڭىرىندە ءىت باعىتتا 26 جوبا ىسكە اسىرىلاتىن بولادى. ونىڭ 5-ءى نەگىزگى سالاعا، 6-ى باسىم سالالارعا ارنالعان،- دەپ حابارلايدى اباي-اقپارات.

26 جوبانىڭ 6-ى ءبىلىم سالاسىنا باعىتتالسا، 2-ءى دەنساۋلىق ساقتاۋ، 4-ءى قاۋىپسىزدىك، 5-ءى شارۋاشىلىق جانە كولىك، 2-ءى اۋىل شارۋاشىلىعى، 2-ءى بيزنەس جانە الەۋمەتتىك سالاعا، 5-ءى قالالىق باسقارۋعا نەگىزدەلگەن.

دەنساۋلىق ساقتاۋ سالاسىنا ەنگىزىلەتىن ءىت جوبالاردىڭ كومەگىمەن جۇكتى ايەلدەرگە كورسەتىلەتىن قىزمەت ساپاسى جاقسارماق. بۇل شارانىڭ نەگىزگى ماقساتى بالا ءولىمىن ازايتۋ، تۋا بىتكەن اۋرۋلاردى باستاپقى كەزەڭىندە انىقتاۋ، سوزىلمالى اۋرۋلارعا جۇمسالاتىن دەنساۋلىق سالاسىنىڭ شىعىندارىن ازايتۋ كوزدەلگەن.

ال كولىك سالاسىنا 3 جوبا ەنگىزىلمەك. جەرگىلىكتى بيۋدجەتتەن 2 جوباعا 38,7 ملن تەڭگە قارالسا، مەملەكەتتىك-جەكەشەلىك ارىپتەستىك اياسىندا 1 جوباعا 800 ملن. تەڭگە بولىنبەك. اتالعان جوبا ارقىلى كولىك ۇيىمدارىنىڭ سالىق تۇسىمدەرى 20%-عا، تابىسى 30%-عا، كوندۋكتورلاردىڭ تولەمدەردى يەمدەنۋىن 90%-عا ازايتۋ، جولاۋشىلاردىڭ قوعامدىق كولىكتى كۇتۋ ۋاقىتىن جانە اقپاراتتاندىرىلۋى 40%-عا كوبەيەدى.

اسىراۋشى سالادا 2 بىردەي جوبا ماقۇلدانىپ وتىر. ءىت جوبانىڭ كومەگىمەن قۇرعاقشىلىق، زيانكەستەردىڭ جاپپاي كوبەيۋى سىندى كريزيستىك ساتتەردى الدىن الۋ شارالارى كوزدەلگەن.

ەستەرىڭىزگە سالا كەتەيىك، 26 ءىت جوبانى جۇزەگە اسىرۋعا 13,1 ملرد.تەڭگە قارجى قارالعان.

Abai.kz