ەلباسى نۇرسۇلتان نازارباەۆتىڭ 5 الەۋمەتتىك باستاماسى قوعامدا ۇلكەن قولداۋ تاپقانى بەلگىلى. وندا ءار وتباسىنىڭ باسپانالى بولۋى، جالاقىسى تومەن جۇمىسشىلاردىڭ ەڭبەكاقىسىن كوبەيتۋ، جوعارى ءبىلىم الۋدىڭ قولجەتىمدىلىگىن ارتتىرۋ، شاعىن نەسيە بەرۋدى كوبەيتۋ، ەلدى گازبەن قامتۋ سياقتى ەل الەۋەتىنە ۇلكەن سەرپىن بەرەتىن باستامالار كوتەرىلگەن.

پرەزيدەنتتىڭ وسى باستاماسى وڭىرلەردە ۇلكەن قولداۋعا يە بولىپ، قارقىندى جۇمىستار جۇرگىزىلۋدە. ماسەلەن، ماڭعىستاۋ وبلىسىندا بيىلعى جىلدىڭ قاڭتار-اقپان ايلارىنىڭ ناتيجەسىنە سايكەس، 282 مىڭ شارشى مەتر باسپانا پايدالانۋعا بەرىلگەن. ءدال وسى كورسەتكىش بىلتىرعى جىلعا قاراعاندا 10 % وسكەن. ال، ەلباسىنىڭ “نۇرلى جەر” باعدارلاماسى نەگىزىندە مەملەكەتتەن ماڭعىستاۋ وبلىسىنا 6 ملرد. 798 ملن.تەڭگە بولىنگەن. ال، وبلىستاعى جالدامالى ۇيلەردىڭ قۇرىلىسىنا 2019 جىلى مەملەكەتتىڭ قازىنادان 1 ملرد.523 ملن. تەڭگە ءبولىندى. اتالعان اقشا الداعى كەزەڭدە 17,122 مىڭ شارشى مەتر بولاتىن 304 پاتەرگە لايىقتالعان تۇرعىن ءۇي قۇرىلىسىنا جۇمسالادى. ال، 2019 جىلدىڭ اياعىندا ماڭعىستاۋ وڭىرىندە 160 پاتەرگە ارنالعان جالدامالى تۇرعىن ۇيلەردىڭ جۇمىستارى اياقتالماق. ماسەلەن، قاراقيا اۋدانى، قۇرىق ەلدى-مەكەنىندەگى جالپى اۋدانى 5,135 مىڭ شارشى مەتر بولاتىن ءتورت تۇرعىن ءۇي، 96 پاتەر پايدالانۋعا بەرىلەدى. جانە، فورت-شەۆچەنكو قالاسىنداعى 48 جانە 16 پاتەرگە ارنالعان نىسان قولدانىسقا بەرىلمەك. سونىمەن قاتار، اقتاۋ قالاسىنداعى 19ا شاعىن اۋدانىنداعى 144 پاتەرگە ارنالعان تۇرعىن ءۇي دە 2019 جىلى ەل يگىلىگىنە بەرىلمەك. جانە، وسىنداي ىرگەلى جۇمىستار كەلەر جىلى دا جالعاسپاق. سونداي-اق، مەملەكەتتەن بولىنگەن بيۋدجەتكە قوسىمشا 1 ملرد.800 ملن. تەڭگەگە 292 پاتەرگە ارنالعان 5 تۇرعىن ءۇي قۇرىلىسى ۇسىنىلماق. ولاردىڭ قاتارىندا: فورت-شەۆچەنكو قالاسىنداعى جالپى اۋدانى 3,9 مىڭ شارشى مەتر بولاتىن تۇرعىن ءۇي بار. ەگەر اتالعان ۇسىنىس ماقۇلدانسا، 72 پاتەرگە ارنالعان سونداي-اق، 16 پاتەرگە ارنالعان باسپانا بوي كوتەرمەك. ەكىنشى ۇسىنىلاتىن جوبا – جەتىباي سەلوسىنداعى 192 تۇرعىن ءۇي قۇرىلىسى جانە قۇرىق سەلوسىنداعى 2 پاتەرلى 6 باسپانا جوباسى.

ايتا كەتەيىك، مەملەكەت قازىناسىنان اقتاۋ قالاسىنىڭ نەسيەلى تۇرعىن ءۇي قۇرىلىسىنا 19 ا شاعىن اۋدانىنداعى 432 پاتەرلىك 5 تۇرعىن ءۇي جوباسى ۇسىنىلعان بولاتىن. بىراق، ول جوبا قىمبات بولعاندىقتان جانە جەرگىلىكتى بيۋدجەتكە كوپ سالماق تۇسەتىندىكتەن اتالعان جەر اۋماعىنا باسقا تۇرعىن ءۇي جوسپارىن جوبالاپ، قۇرىلىسىن باستاۋ جوسپارلانعان. اتالعان پاتەرلەردىڭ جۇمىسى اياقتالسا، ولار پاتەر كەزەگىندە تۇرعاندار مەن “تۇرعىن ءۇي قۇرىلىس جيناق بانكىنىڭ” سالىمشىلارىنا بەرىلەدى. جانە، “7-20-25” باعدارلاماسىنىڭ ىسكە اسۋىنا تاعى ءبىر ۇلكەن مۇمكىندىك بولماق.

ەسكە سالا كەتسەك، ماڭعىستاۋ وبلىسىنداعى ينجەنەرلىك-كوممۋنيكاتسيالىق ينفراقۇرىلىم جوبالارىنا 2 ملرد.275 ملن.تەڭگە بولىنگەن. بۇل قارجى بىلتىر باستالعان 18, 18 ا، 19 ا شاعىن اۋداندارىنىڭ قۇرىلىس جۇمىستارىن اياقتاۋعا جۇمسالعان. ال، ەلباسىنىڭ “7-20-25” باعدارلاماسى نەگىزىندە بۇگىنگە دەيىن 309 ءوتىنىش ماقۇلدانعان. جانە، قازىر اقتاۋ قالاسىنىڭ ماڭىندا 36 جەر اۋماعىندا شامامەن 6 مىڭ پاتەرگە ارنالعان تۇرعىن ءۇي قۇرىلىسى ءجۇرىپ جاتىر. ولار دا “7-20-25” باعدارلاماسى نەگىزىندە حالىققا بەرىلەدى. ودان بولەك، وبلىستىق اكىمشىلىك، بيۋدجەت سالاسىنىڭ وكىلدەرى مەن جاستارعا پاتەر الۋدىڭ جەڭىل جولدارىن قاراستىرىپ جاتىر.

سونىمەن قاتار، وڭىردە بيۋدجەتتىك نەسيە بەرۋ دە قاراستىرىلىپ جاتىر. تۇرعىن ءۇي قاتىناستارى تۋرالى زاڭعا وزگەرىستەر ەنگىزىلگەننەن كەيىن وسى ماقساتقا 100,0 ملن.تەڭگە بولىنەتىن بولادى. بۇل قارجى مۇعالىمدەر مەن دارىگەرلەرگە جانە قۇقىق قورعاۋ ورگاندارىنىڭ قىزمەتكەرلەرىنە جۇمسالماق. سونداي-اق، ەلباسىنىڭ “جاستار جىلى” جوباسىنداعى باعىتتاردى نەگىزگە الا وتىرىپ، جاستاردى دا باسپانامەن قامتۋ ءۇشىن العاشقى جارنانى تومەندەتۋ ماسەلەلەرى قاراستىرىلىپ جاتىر.

Abai.kz