قاسىم-جومارت توقاەۆتىڭ رامازان ايىنىڭ باستالۋىمەن قۇتتىقتاۋى
قىمباتتى وتانداستار!
بارشاڭىزدى كۇللى مۇسىلمان قاۋىمى ءۇشىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن.
بۇل – شەكسىز ىزگىلىككە، ادامگەرشىلىككە، رۋحاني تازارۋعا جانە كەمەلدەنۋگە باستايتىن مەزگىل. يسلامنىڭ جاسامپازدىق الەۋەتى قوعامىمىزداعى جانە الەمدەگى ءداستۇرلى قۇندىلىقتار مەن گۋمانيزم نەگىزدەرىن نىعايتۋعا ىقپال ەتەدى. رامازان ايىندا ورازا ۇستاۋ مەيىرىمدىلىككە، كەشىرىمدى بولۋعا، تاتۋلىققا جانە قايىرىمدىلىققا ۇندەيدى.
ەلباسىنىڭ دانا ساياساتىنىڭ ارقاسىندا قازاقستاندا بىرلىك، ءوزارا تۇسىنىستىك، ەتنوسارالىق جانە دىنارالىق كەلىسىم رۋحى ساقتالىپ وتىر.
قاسيەتتى رامازان ايى بارىڭىزگە جاقسىلىق، باق-بەرەكە اكەلسىن!
Abai.kz
