حاساندا كيم چەن ىن 1986 جىلى اكەسى سسسر-گە كەلەردەن بۇرىن سالىنعان، "كيم ير سەننىڭ ءۇيى" دەگەن اتپەن تانىمال ورىس-كورەي دوستىق ۇيىنە باردى. مۇنان سوڭ كيم پۋتينمەن كەزدەسۋ وتەتىن ۆلاديۆوستوك قالاسىنا ءجۇرىپ كەتتى.
پۋتين مەن كيم ۆلاديۆوستوك قالاسىندا ەرتەڭ، 25 ساۋىردە كەزدەسەدى.
"25 ساۋىردە وتەتىن كەلىسسوزدىڭ نەگىزگى تاقىرىبى كورەي تۇبەگىندەگى يادرولىق قارۋ ماسەلەسىن ديپلوماتيالىق جانە ساياسي جولمەن شەشۋ بولماق" دەپ مالىمدەدى 23 ساۋىردە كرەمل وكىلى يۋري ۋشاكوۆ. ونىڭ سوزىنشە، سوڭعى كەزدەرى تۇبەكتەگى جاعداي "رەتتەلگەن". ۋشاكوۆ "بۇعان سولتۇستىك كورەيانىڭ يادرولىق قارۋدى سىناۋىن دوعارىپ، پوليگوندى جابۋى ىقپال ەتتى" دەيدى.
كرەمل وكىلىنىڭ سوزىنشە، كيم مەن پۋتين الدىمەن شاعىن قۇرامدا بەتپە-بەت كەزدەسىپ، ارتىنشا كەڭەيتىلگەن وتىرىس وتكىزەدى. رەسەيدىڭ مەملەكەتتىك ريا "نوۆوستي" اگەنتتىگىنىڭ جازۋىنشا، كەزدەسۋ كەزىندە قانداي دا ءبىر قۇجاتقا قول قويۋ نە بىرىگىپ مالىمدەمە جاساۋ جوسپارلانباعان.
Abai.kz
