باقىتجان ساعىنتاەۆ مەملەكەتتىك حاتشى بولىپ تاعايىندالدى
قازاقستاننىڭ بۇرىنعى پرەمەر-ءمينيسترى باقىتجان ساعىنتاەۆ مەملەكەتتىك حاتشى بولىپ تاعايىندالدى، - دەپ حابارلايدى Abai اقپارات.
"باقىتجان ءابدىرۇلى ساعىنتاەۆ قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالسىن", - دەلىنگەن ەلباسى قول قويعان جارلىقتا.
ساعىنتاەۆ 2016 جىلدان بەرى قازاقستاننىڭ ۇكىمەت باسشىسى قىزمەتىندە بولعان.
باقىتجان ءابدىرۇلى ساعىنتاەۆ 1963 جىلى 13 قازاندا جامبىل وبلىسى تالاس اۋدانى ءۇشارال اۋىلىندا تۋعان. س.م. كيروۆ اتىنداعى قازاق مەملەكەتتىك ۋنيۆەرسيتەتىن ءبىتىردى، ەكونوميكا عىلىمدارىنىڭ كانديداتى. ەڭبەك جولىن الماتى حالىق شارۋاشىلىعى ينستيتۋتىنىڭ ساياسي ەكونوميكا كافەدراسىنىڭ وقىتۋشىسى بولىپ باستادى. 1988-1992 جىلدار ارالىعىندا س.م. كيروۆ اتىنداعى قازاق مەملەكەتتىك ۋنيۆەرسيتەتىندە جۇمىس ىستەدى، اسسيستەنت لاۋازىمىنان الەۋمەتتانۋ كافەدراسىنىڭ دوتسەنتىنە دەيىنگى ەڭبەك جولىنان ءوتتى.
"قۇرمەت" وردەنىمەن جانە مەرەيتويلىق مەدالدارمەن ماراپاتتالعان. تابيعي مونوپوليالار سالاسىن مەملەكەتتىك رەتتەۋ، شاعىن جانە ورتا بيزنەستى دامىتۋ تاقىرىپتارىنا ارنالعان بىرقاتار عىلىمي جۇمىستىڭ اۆتورى.
Abai.kz
