جۇما, 5 ناۋرىز 2021
1732 0 پىكىر 25 جەلتوقسان, 2018 ساعات 11:52

جىلىتۋ ماۋسىمى قازاقستاننىڭ بارلىق وڭىرىندە تۇراقتى رەجيمدە ءجۇرىپ جاتىر

قر پرەمەر-ءمينيسترى باقىتجان ساعىنتاەۆتىڭ توراعالىعىمەن ءوتىپ جاتقان ۇكىمەت وتىرىسى جىلۋ بەرۋ ماۋسىمىنىڭ ءوتۋى ماسەلەسىن قاراۋدان باستالدى. ەنەرگەتيكا ءمينيسترى ق. بوزىمباەۆ پەن ينۆەستيتسيالار جانە دامۋ ءمينيسترى ج. قاسىمبەك جاعداي تۋرالى باياندادى.

ق. بوزىمباەۆتىڭ ايتۋىنشا، جالپى كۇزگى-قىسقى كەزەڭ شتاتتىق رەجيمدە ءوتىپ جاتىر. كەشە، 24 جەلتوقساندا ەڭ جوعارعى ەلەكتر جۇكتەمەسى 14 740 مەگاۆاتقا نەمەسە جىلىتۋ كەزەڭىنە جوسپارلانعان ماكسيمۋمنىڭ 99% پايىزىنا جەتتى. بۇل — سوڭعى جىلدارداعى رەكوردتىق كورسەتكىش. جالپى، حالىق ەلەكتر جانە جىلۋ ەنەرگياسىمەن تولىقتاي قامتىلعان.

ەنەرگەتيكا ءمينيسترىنىڭ سوزىنە قاراعاندا، ءبىر جىلعا جوسپارلانعان ەلەكتر ستانتسيالارىنداعى جوندەۋ جۇمىستارى ءىس جۇزىندە اياقتالعان. 8 ەنەرگوبلوك، 52 قازاندىق پەن 44 تۋربينا، 28,3 مىڭ شاقىرىم ەلەكتر بەرۋ جەلىلەرى جانە ورتالىقتاندىرىلعان جىلۋمەن جابدىقتاۋ ايماعىنداعى 500 قازاندىق جوندەۋدەن وتكەن.

«ەلەكتر ستانتسيالارىنىڭ وتىن قويمالارىندا 4 ملن توننا كومىر جانە 112 مىڭ توننا مازۋت جيناقتالدى، بۇل بەكىتىلگەن نورماعا سايكەس كەلەدى. ورتالىقتاندىرىلعان جىلۋمەن جابدىقتاۋ ايماعىنداعى قازاندىقتاردا كومىر قورى 978,8 مىڭ توننانى، مازۋت 115,2 مىڭ توننانى قۇراپ وتىر»، — دەدى ق. بوزىمباەۆ.

اكىمدىكتەردىڭ وتىنىمدەرىنە سايكەس، ەنەرگەتيكا مينيسترلىگى كۇزگى-قىسقى كەزەڭدە 312 مىڭ توننا كولەمىندە الەۋمەتتىك-وندىرىستىك وبەكتىلەرگە مازۋتتى جەتكىزۋ بويىنشا وڭىرلەردى بەلگىلەۋ گرافيگىن بەكىتكەن بولاتىن. قازان-قاراشا ايلارىندا كەستە 86%-عا ورىندالدى. مينيسترلىك ورتالىق جانە دەرگىلىكتى اتقارۋشى ورگاندارمەن بىرلەسىپ قازىرگى جىلىتۋ ماۋسىمىنىڭ تۇراقتى ءوتۋى ءۇشىن جۇمىستاردى جالعاستىرۋدا.

ينۆەستيتسيالار جانە دامۋ ءمينيسترى ج. قاسىمبەك 2018-19 جج. جىلىتۋ ماۋسىمى ەلىمىزدىڭ بارلىق وڭىرلەرىندە تۇراقۇتى رەجيمدە ءوتىپ جاتقانىن بانيادادى. قر يدم جىلۋمەن قامتۋ، سۋمەن قامتۋ جانە سۋ بۇرۋ جەلىلەرىندە تەحنولوگيالىق بۇزۋشىلىقتارعا قاتىستى جىلىتۋ ماۋىسىمىنىڭ بارىسىنا مونيتورينگ جۇرگىزىپ وتىر. اكىمدىكتەر مەن قر ىشكى ىستەر مينيسترلىگىنىڭ توتەنشە جاعدايلار كوميتەتى كۇن سايىن قر يدم-گە تىرشىلىك قامتاماسىز ەتۋ نىساندارىنداعى تەحنولگيالىق بۇزۋشىلىقتار تۋرالى اقپارات بەرىپ وتىرادى.

«جىلىتۋ ماۋسىمى باستالاعاننان بەرى تىرشىلىكتى قامتاماسىز ەتۋدىڭ كوممۋنالدىق جۇيەلەرىندە 24 تەحنولوگيالىق بۇزۋشىلىق انىقتالدى، بۇل وتكەن جىلىدڭ وسى كەزەڭىمەن سالىستىرعاندا ەكى ەسە كەم. اكىمدىكتەر اتالعان تەحنولوگيالىق بۇزۋشىلىقتاردى قىسقا ۋاقىت ىشىندە جويدى»، — دەدى ج. قاسىمبەك.

سونىمەن قاتار، ج. قاسىمبەكتىڭ ايتۋىنشا، اپاتتاردىڭ الدىن الۋ ءۇشىن اكىمدىكتەر حالىقتىڭ كۇندەلىكتى تىرشىلىگىن قامتاماسىز ەتۋ جۇيەلەرىنىڭ ۇزدىكسىز جۇمىس ىستەۋىنە باقىلاۋدى كۇشەيتۋلەرى كەرەك. سونداي-اق، تەحنولوگيالىق اقاۋلاردى جىلدام قالپىنا كەلتىرىپ، جىلىتۋ ماۋسىمىنا جاۋاپتى ادامداردىڭ كەزەكشىلىگىن مەرەكە كۇندەرى دە ۇيىمداستىرۋ قاجەت.

دەبيتورلىق بەرەشەككە قاتىستى جاعداي تۋرالى بايانداي وتىرىپ، ج. قاسىمبەك 01.12.2018 جاعداي بويىنشا دەبيتورلىق بەرەشەك 12 995 ملن تگ قۇراعانىن اتاپ ءوتتى. وسىعان وراي اكىمدىكتەر دەبيتورلىق بەرەشەكتى ازايتۋ جۇمىستارىن باقىلاۋدى كۇشەيتۋلەرى كەرەك جانە بەرەشەكتەردىڭ وسۋىنە جول
بەرمەۋلەرى قاجەت.

كومىرمەن قامتاماسىز ەتۋگە قاتىستى ايتار بولساق، قر يدم شۇعىل دەرەكتەرىنە سايكەس، 20 جەلتوقسانداعى جاعداي بويىنشا، بيىل جىل باسىنان بەرى ەلىمىزدىڭ كومىر ءوندىرۋشى كومپانيالارى 109,2 ملن توننا كومىر وندىرگەن. ەنەرگيا ءوندىرۋشى كاسىپورىندارعا 56,4 ملن توننا كومىر جونەلتىلدى. كوممۋنالدىق-تۇرمىستىق قاجەتتىلىكتەرگە جانە حالىققا 12,4 ملن توننا كومىر جونەلتىلدى. 27,7 ملن توننا كومىر ەكسپورتتالدى. 2018 جىلدىڭ سوڭىنا دەيىن كومىر ءوندىرۋ كولەمى شامامەن 112 ملن توننا بولادى دەپ كۇتىلۋدە. بيىل جىلىتۋ ماۋسىمى باستالعاننان بەرى (1 مامىردان 20 جەلتوقسان ارالىعىندا) تەمىرجول كولىگىمەن 46,8 ملن توننا
كومىر تاسىمالداندى.

ايتا كەتۋ كەرەك، 2018–2019 جج. كەزەڭىندە كوممۋنالدىق-تۇرمىستىق قاجەتتىلىكتەر مەن حالىققا كومىر ونىمدەرىنىڭ جوسپارلى قاجەتتىلىكتەرىن قامتاماسىز ەتۋگە جۇرگىزىلەتىن مونيتورينگ ينۆەستيتسيالار جانە دامۋ، ەنەرگەتيكا مينيسترلىكتەرىنىڭ بىرلەسكەن بۇيرىقتارى اياسىندا جالعاسىپ جاتىر.

بۇگىنگى تاڭدا جىلدىق جوسپارعا قاتىستى العاندا كومىر قورلارىمەن قامتىلۋ دەڭگەيى 93,2% قۇرايدى. بارلىق دەرلىك ءوڭىر حالىق پەن كوممۋنالدىق-تۇرمىستىق سەكتورعا كومىر جەتكىزۋ كەستەسىن ۋاقىتىنان بۇرىن ورىنداۋدا.

«اكىمدىكتەر مەن كومىر ساتۋشىلار اراسىندا جاسالعان مەموراندۋمدار ەسەبىنەن سوڭعى 4 اپتادا ەلىمىزدىڭ بارلىق وڭىرىندە كوممۋنالدىق-تۇرمىستىق قاجەتتىلىك پەنيحالىققا ساتىلاتىن كومىردىڭ باعاسى ورتا ەسەپپەن 15-20%-عا تومەندەدى»، دەپ حابارلاپ ج. قاسىمبەك، جالپى 2018/19 جىلدارداعى جىلىتۋ ماۋسىمىنىڭ ءوتۋى قر يدم-ءنىڭ تۇراقتى باقىلاۋىنا الىنعانىن اتاپ ءوتتى.

سونداي-اق، وتىرىس بارىسىندا جىلىتۋ ماۋسىمىنىڭ تۇراقتى ءوتۋىن قامتاماسىز ەتۋ بويىنشا وڭىرلەردە قابىلدانىپ جاتقان شارالار تۋرالى اقمولا وبلىسىنىڭ اكىمى — م. مىرزالين، شىعىس قازاقستان وبلىسىنىڭ اكىمى — د. احمەتوۆ، قاراعاندى وبلىسىنىڭ اكىمى — ە. قوشانوۆ، پاۆلودار وبلىسىنىڭ اكىمى — ب. باقاۋوۆ، سولتۇستىك قازاقستان وبلىسىنىڭ اكىمى — ق. اقساقالوۆ، قوستاناي وبلىسىنىڭ اكىمى — ا. مۇحامبەتوۆ، اقتوبە وبلىسىنىڭ اكىمى — ب. ساپارباەۆ، استانا قالاسىنىڭ اكىمى — ب. سۇلتانوۆ باياندادى.

Abai.kz

0 پىكىر